BAKI,VOA, Fərid Mikayılov
İran parlamentinin spikeri Məhəmməd Baqir Qalibaf bildirib ki, İsrailin Livana qarşı hücumları davam edərsə, Tehran ABŞ ilə aparılan danışıqları dayandıracaq.
VOA xəbər verir ki, o bildirib ki, İran son iki gündə İsrailin hücumlarının dayandırılması üçün ciddi səylər göstərib və əgər bu cinayətlər davam edərsə danışıqlar prosesi dayandırılacaq.
Qalibaf, İranın danışıqlar nümayəndəliyinin rəhbəri olaraq, ABŞ ilə müharibəni sona çatdıracaq hər hansı razılaşmanın bütün cəbhələrdə, xüsusilə Livanda hücumların dayandırılmasını nəzərdə tutacağını vurğulayıb.
“İran və Livan arasındakı bağ ayrılmazdır, sizin həyatınız və bizim həyatımız birdir”, – deyə Qalibaf qeyd edib. O əlavə edib ki, Tehran xüsusilə ölkənin cənubunda atəşkəsin təmin olunması istiqamətində qərarlıdır.