BAKI,VOA, Fərid Mikayılov

İranın xarici işlər naziri Abbas Əraqçi ABŞ-ın həyata keçirdiyi “Azadlıq layihəsi” ilə bağlı sərt açıqlama verib.

VOA xəbər verir ki, nazir bildirib ki, Hörmüz boğazı ətrafında baş verən hadisələr siyasi böhranların hərbi yollarla həllinin mümkün olmadığını göstərir.

Onun sözlərinə görə, bu layihə regionda sabitliyə deyil, əksinə, çıxılmaz vəziyyətin dərinləşməsinə xidmət edir.

Əraqçi əlavə edib ki, Pakistanın vasitəçiliyi ilə aparılan danışıqlarda müəyyən irəliləyiş əldə olunduğu bir vaxtda ABŞ və Birləşmiş Ərəb Əmirliklərinin vəziyyəti daha da gərginləşdirməməsi vacibdir.

Qeyd edək ki, İran Silahlı Qüvvələri daha əvvəl ABŞ donanmasını Hörmüz boğazı ərazisinə daxil olmamaqla bağlı xəbərdar etmişdi. ABŞ isə Prezident Donald Trampın göstərişi ilə ticarət gəmilərinin təhlükəsiz hərəkətini təmin etmək məqsədilə “Azadlıq əməliyyatı”na start verib.

Eyni zamanda, regionda hərbi insidentlər də qeydə alınıb. Birləşmiş Ərəb Əmirlikləri İran tərəfindən atıldığı bildirilən raketlərin hava hücumundan müdafiə sistemləri tərəfindən zərərsizləşdirildiyini açıqlayıb.