BAKI,VOA, Nailə Babazadə

İranın rəsmi dövlət televiziyasında yayımlanan bəyanatda SEPAH, ABŞ ordusunu "terrorçu quruluş" adlandıraraq, Vaşinqtonun Tehranın müəyyən etdiyi strateji sərhədləri aşacağı təqdirdə cavab tədbirlərinin regional hüdudlardan kənara çıxacağını bəyan edib.

VOA xəbər verir ki, bəyanatda xüsusi olaraq qeyd olunub ki, ABŞ-ın mümkün hərbi addımlarına cavab olaraq İran, ABŞ və onun müttəfiqlərini regionun neft və qaz ehtiyatlarından "illərlə" məhrum etmək potensialına malik hədəfləri vuracaq. SEPAH indiyədək mehriban qonşuluq prinsiplərinə görə bəzi hədəfləri seçməkdə təmkin nümayiş etdirdiyini, lakin artıq bütün bu məhdudiyyətlərin aradan qaldırıldığını bildirib.

Bu xəbərdarlıq, ABŞ Prezidenti Donald Trampın İran rəhbərliyinə verdiyi 48 saatlıq ultimatumun bitməsinə saatlar qalmış səslənib. Tramp sosial mediada paylaşdığı mesajda, İranın razılaşmaya gəlməyəcəyi təqdirdə ölkənin enerji stansiyalarının və körpülərinin hədəf alınacağını, hətta "bir sivilizasiyanın yox ola biləcəyini" iddia edib.