BAKI, VOA, Nailə Babazadə

İrandan raketlərin atılması nəticəsində İsrailin bir neçə şəhərində təhlükə sirrenləri işə düşüb. İsrail ordusundan verilən rəsmi açıqlamada İrandan raket hücumunun başladığı və hava hücumundan müdafiə sistemlərinin bu raketləri zərərsizləşdirməyə çalışdığı bildirilib.

VOA xəbər verir ki, İranın raket zərbələri səbəbindən xüsusilə Tel-Əvivin cənubunda yerləşən Aşdod və Hercliya kimi şəhərlərdə, həmçinin işğal altındakı Şərqi Qüdsdə həyəcan siqnalları eşidilib. İsrailin "Kanal 12" televiziyası raketlərin hava hücumundan müdafiə sistemləri tərəfindən havada məhv edildiyini iddia edərək hazırda xəsarət alanlar barədə məlumatın olmadığını qeyd edib.

Xatırladaq ki, fevralın 28-də ABŞ və İsrailin İrana qarşı başlatdığı hərbi əməliyyatlardan sonra İran da buna cavab olaraq İsrail və ABŞ bazalarının yerləşdiyi regional ölkələrdəki hədəfləri atəşə tutur. İran rəsmilərinin məlumatına görə, münaqişə başlayandan bəri ölkədə ali lider Əli Xamenei də daxil olmaqla bir çox yüksək rütbəli şəxs öldürülüb, ümumi ölü sayı 1348-i keçib, yaralıların sayı isə 17 minə çatıb.