Hindistanın baş naziri Lal Bəhadur Şastrinin vəfatından sonra İndira Qandi Konqres Partiyasının lideri oldu və bununla da Hindistanın baş naziri vəzifəsinə gəldi. O, Hindistanın ilk qadın hökumət başçısı idi və 1984-cü ildə qətlə yetirilənədək ölkənin ən mübahisəli siyasi fiqurlarından biri sayılırdı.

İsveçin paytaxtı Stokholmdan Ankaraya gələn Skandinaviya Hava Yollarına (SAS) məxsus sərnişin təyyarəsinin Esenboğa hava limanı yaxınlığında qəzaya uğraması nəticəsində 42 nəfər ölüb.

Osman Qazinin Karacahisar, Biləcik, İnegöl və Yenişehir kimi strateji qalaları fəth etməsi ilə İznik və İstanbul istiqamətini qoruyan Sakarya qala xətti faktiki olaraq çökmüşdü. Bu uğurlar Osmanlıların Anadolunun qərbində möhkəmlənməsinin əsasını qoydu. XIV əsrin əvvəllərində Osmanlı hökmdarı Osman Qazi əsas hədəf kimi Bursa və İznik şəhərlərini müəyyənləşdirmişdi. Xüsusilə İznik, Türk Səlcuq dövlətinin ilk paytaxtı olması səbəbindən Anadoluda vuruşan türkmənlər üçün həm siyasi, həm də simvolik baxımdan mühüm bir şəhər hesab olunurdu.

1919-cu il yanvarın 18-də Fransanın paytaxtı Parisdə Birinci Dünya müharibəsindən sonra beynəlxalq nizamı müəyyənləşdirəcək sülh konfransı öz işinə başladı. Paris Sülh Konfransı müharibənin rəsmi şəkildə başa çatmasını təmin etmək məqsədilə çağırılmışdı və dünya tarixinin ən mürəkkəb diplomatik danışıqlarından biri hesab olunur. Növbəti altı ay ərzində əsas qərarlar qalib dövlətlərin – Fransa, Böyük Britaniya, ABŞ və İtaliyanın liderləri tərəfindən qəbul edildi.

Maykl Cekson və Liza Mari Preslinin iki illik evliliyi boşanma ilə başa çatıb.

ABŞ Hərbi Hava Qüvvələrinə məxsus B-52 strateji bombardmançı təyyarəsi İspaniyanın Aralıq dənizi sahilləri üzərində yanacaq doldurarkən KC-135 tanker təyyarəsi ilə toqquşub. Qəza nəticəsində Palomares qəsəbəsi yaxınlığında hər biri 70 kiloton gücündə olan üç hidrogen bombası quruya, bir bombası isə dənizə düşüb.

KKTC-nin qurucu prezidenti Rauf Denktaş Kiprdəki Səlimiyə məscidində qılınan cənazə namazından sonra cənazəsi silah arabasına yüklənərək Cümhuriyyət parkındakı məqbərədə, göy qurşağının altından keçərək dəfn edilib.

1979-cu ilin 16 yanvarında İranın uzun illər hökmranlıq etmiş lideri Məhəmməd Rza Şah Pəhləvi orduda baş qaldıran itaətsizlik, kütləvi və zorakı etiraz aksiyaları fonunda hakimiyyətini itirərək İrandan qaçdı. Şahın ölkədən getməsindən cəmi 14 gün sonra, 15 illik sürgündən qayıdan Ayətullah Ruhullah Xomeyni İslam İnqilabının lideri kimi Tehrana daxil oldu və faktiki olaraq ölkənin idarəsini ələ aldı.

II Filipp İspaniya kralı olur.

15 yanvar 1870-ci ildə ABŞ siyasi tarixində mühüm simvolik hadisə baş verib.

ABŞ-ın Demokratik Partiyasını eşşək simvolu ilə əks etdirən ilk siyasi karikatura yayımlanıb.

1129-cu il 13 yanvar tarixində Fransanın Trua şəhərində keçirilən Trua Kilsə Məclisində Roma Papası Papa II Honori hərbi-dini təşkilat kimi tanınan Templar cəngavərlərinə rəsmi papalıq sanksiyası verdi və bu ordeni “Tanrının ordusu” elan etdi. Bu qərar Templarların hüquqi statusunu möhkəmləndirdi və onların Avropa–Yaxın Şərq siyasi-dini sistemində sürətlə güclənməsinə yol açdı. Templar cəngavərləri 1118-ci ildə fransız əsilli sərkərdə Hüq de Payen tərəfindən yaradılmışdı. Ordenin əsas missiyası Səlib yürüşləri dövründə Müqəddəs Torpaqlara (Fələstin ərazilərinə) gedən xristian zəvvarların təhlükəsizliyini qorumaq idi.