Bakı, AzerVoice

İsrail tərəfindən hərbi maşının qabağına bağlanaraq canlı qalxan kimi istifadə edilən fələstinli xəstəxanada dünyasını dəyişib.

AzerVoice xəbər verir ki, Fələstinli Əsirlər Dərnəyindən verilən açıqlamada, "Tülkərimin şimal-şərqindəki Sayda qəsəbəsindən olan Zahir Tahsin Rəddad (19) bu gün İsrailin Meir Xəstəxanasında şəhid olub" deyə bildirilib.

İsrail ordusu tərəfindən yaralanan, hərbi maşının qabağına bağlanan və canlı qalxan kimi istifadə edilən 19 yaşlı fələstinli xəstəxanada dünyasını dəyişdiyi deyilir.

Qeyd edilib ki, İsrail qüvvələri yaralı Raddadın aparıldığı xəstəxanada onu nəzarətdə saxlayıblar.

Açıqlamada qeyd olunub ki, iyulun 23-də İsrail əsgərləri Raddada atəş açaraq yaralayıb və ondan hərbi maşının qarşısında qalxan kimi istifadə ediblər.

Xəstəxanada keçirdiyi cərrahi əməliyyatlardan sonra respiratora qoşulan Rəddadın dünyasını dəyişdiyi bildirilib.

Qeyd edək ki, İsrail əsgərlərinin hərbi maşının qabağında Raddaddan canlı qalxan kimi istifadə etməsinin görüntüləri sosial mediada paylaşılıb və insanların etirazına səbəb olub.

Raddadın vəfatı ilə 7 oktyabr 2023-cü ildə Qəzza zolağına hücumların başlamasından bu yana İsrail həbsxanalarında ölən fələstinlilərin sayı 23-ə yüksəlib.

İşğal altındakı İordan çayının qərb sahilində oktyabrın 7-dən bəri İsrail qüvvələri və Fələstin torpaqlarını qəsb edən miqrant israillilərin hücumları nəticəsində əksəriyyəti gənclər və uşaqlardan ibarət olmaqla 643 nəfər öldürülüb.