Bakı. AzerVoice:

Türkiyə ilə Böyük Britaniya arasında ticarət həcmi 17 milyard dolları ötüb.

Bu barədə AzerVoice-ə Türkiyə Statistika İnstitundan (TÜİK) bildirilib.

2020-ci ildə Türkiyə ilə Böyük Britaniya arasında 16 milyard 289 milyon 882 min dollar ticarət həcmi qeydə alınıb. Bu məbləğ 2021-ci ildə 18 milyard 675 milyon 840 min dollara yüksəlib. Covid-19 tədbirləri, Rusiya-Ukrayna müharibəsi və digər geosiyasi risklərin dünya ticarətində əks olunduğu sonrakı illərdə müəyyən sürət itirən ümumi ticarət həcmi 2022-ci ildə 17 milyard 979 milyon 255 min dollara, 2023-cü ildə 17 milyard 670 milyon 420 min dollara çatıb.

Türkiyə iki ölkə arasında ticarətdə ixrac profisitinə malikdir. 2020-ci ildə Türkiyədən Böyük Britaniyaya 10 milyard 887 milyon 811 min dollarlıq ixrac edilib. Bu məbləğ 2021-ci ildə 13 milyard 298 milyon 674 min dollar, 2022-ci ildə 12 milyard 534 milyon 289 min dollar, 2023-cü ildə isə 11 milyard 712 milyon dollar olaraq qeydə alınıb.

Sözügedən dövrdə Böyük Britaniyadan idxal orta hesabla 5,5 milyard dollar təşkil edib. 2020-ci ildə 5 milyard 402 milyon 72 min dollar olan idxalın, 2021-ci ildə 5 milyard 377 milyon 167 min dollar, 2022-ci ildə 5 milyard 444 milyon 966 min dollar, 2023-cü ildə isə 5 milyard 959 milyon 320 min dollar olduğu müşahidə edilib.

Aytac Süleymanova

Twitter: a_alieva_