BAKI, AzerVoice, Səməd Əyyubov
Türkiyənin “Qalatasaray” klubu kolumbiyalı futbolçusu Davinson Sançes ilə müqaviləni uzadıb.
AzerVoice xəbər verir ki, bu barədə klubun mətbuat xidməti məlumat verib.
Bildirilib ki, peşəkar futbolçunun müqaviləsi 2028–2029 mövsümünün sonuna qədər qüvvədə qalacaq.
Qeyd edək ki, Sançes cari mövsümdə “Qalatasaray”ın heyətində 44 oyuna çıxıb və 5 qol vurub. Rəqabətcil xarakteri və yüksək səviyyəli müdafiə bacarıqları ilə seçilən kolumbiyalı futbolçu, komandanın müdafiə xəttinin ən güclü dayaqlarından biri kimi tanınır.