İordan çayının qərb sahili - Yeni Qəzza olacaqmı?

BAKI,AzerPRess

Hücumlar, hərbi əməliyyatlar və yəhudi radikallar tərəfindən baş verən iğtişaşlar: Bütün bunlar İordan çayının qərb sahilində demək olar ki, hər gün yaşanır. Keçən bazar ertəsindən bəri Qəzza Zolağında zəif bir atəşkəs hökm sürərkən, münaqişə cəbhəsinin İsrailin davamlı hərbi müdaxiləsi ilə 1967-ci ildən bəri işğal olunan bu Fələstin torpaqlarına keçdiyi görünür.
Qəzzadakı atəşkəsin başlanmasından iki gün sonra və Donald Trampın Vaşinqtonda yeni prezident olaraq and içməsindən bir gün sonra, İsrail ordusu Qərb Sahilinin şimalında yerləşən Cenin qaçqın düşərgəsində genişmiqyaslı bir əməliyyat başlatdı. Əməliyyat "Dəmir Divar" adlanır və əməliyyata yüzlərlə israilli hərbçi qatılır və bütün bunlara onlara təyyarələr, pilotsuz uçuş aparatları və zirehli buldozerlər dəstək verir.

Cümə axşamına qədər baş verən döyüşlər nəticəsində İsrail ordusunun məlumatına görə, 13 nəfər həyatını itirib. Təbii ki, söhbət fələstinlilərdən gedir.

Şahidlər bildirdilər ki, cümə axşamı günü, təxminən 25 min insanın yaşadığı Cenin qaçqın düşərgəsindən yüzlərlə sakin tərk etməyə başlayıb. İsrail ordusu, Qəzzadakı müntəzəm olaraq həyata keçirilən evakuasiya əmrlərinə bənzər bir əmrin verilmiş olduğunu təkzib edib.

İsrail ordusu çərşənbə axşamı, Cenin yaxınlığında yerləşən Bərqin kəndində bir hücum təşkil edib. Ordu, "İslam Cihadı Hərəkatına aid iki silahlını içəridə gizləndiklərini" və "bir neçə başqa nəfəri həbs etdiyini" bildirib. Həmçinin, bu şəxslərin yanvarın əvvəlində İsrailli mülki şəxsləri daşıyan avtobusa edilən hücumda iştirak etdiklərini bildirilir.
Fələstin Fənduq kəndində açılan atəş nəticəsində üç nəfər fələstinli ölüb, altı nəfər isə yaralanıb.

Eyni zamanda, radikal yəhudi məskunları Qərb Sahilindəki fələstin kəndlərinə hücum etməyə davam edirlər. Sonuncu hücumlar ötən bazar ertəsi Cinsafut kəndində baş verib.

İsrail ordusu, İran tərəfindən Fələstin torpaqlarına böyük silah partiyalarının qaçaqmalçılıq yolu ilə keçirildiyini bildirir və iddia edir ki, bu silahlar məhz İordan çayının qərb sahilində gizlədilib.

İsrail ordusu, bölgədə yeni bir intifadə baş vermə ehtimalına qarşı yüzlərlə maneə qurub. Hərəkət çox çətinləşib, belə ki, Ramallahdan Qüdsə, sadəcə 27 kilometr məsafəyə, getmək artıq dörd saatdan çox çəkə bilər.