BAKI,AzerVocie

Bu gün ən çox müzakirə edilən məsələlərdən bir də, İranın zəifləməsi fonunda bu ölkəyə yanvarın 20-də hakimiyyətə gələcək Tramp tərəfindən yeni və daha ağır sanksiyaların tətbiq edilməsidir. Belə kiş artıq həm İngiltərədə də həm də ABŞ-da bu yeni təzyiq mexanizmləri gündəmə gəlməkədir.

İrana qarşı fəaliyyət göstərən “Nüvə İranına Qarşı İttifaq” adlı Amerika lobbi qrupu, Tramp administrasiyası üçün “İranla bağlı 100 günlük plan” adlı yol xəritəsi təqdim edib. Plan diplomatiya, media, hərbi və iqtisadi sahələri əhatə edən hərtərəfli yanaşma ilə İranın regional sabitliyi pozmaq səylərinə qarşı effektiv mübarizə aparmağı nəzərdə tutur. Təşkilatın rəhbəri səfir Mark Uolles bildirib ki, “Seçilmiş prezident Trampın İranın zəif anında tədbir görmək üçün unikal imkanı var və bu, regional sabitliyi gücləndirə bilər.”

İdeyanın müəlliflərindən biri olan Ceyson Brodski qeyd edib ki, İran, Trampın yeni administrasiyasının güclü mövqeyindən çəkinir. Onun fikrincə, bu qorxu ABŞ və müttəfiqləri üçün strateji üstünlük yaradır. Hesabatda İran rejiminin zəiflədilməsi üçün konkret siyasi təkliflər irəli sürülüb və ABŞ hökumətindən İrana qarşı təzyiq kampaniyasını gücləndirmək tələb olunub.

İsrailin 7 oktyabr 2023-cü il tarixindən sonra tətbiq etdiyi taktikalardan ilhamlanaraq, ABŞ-ın da İrana qarşı genişmiqyaslı müharibədən yayınaraq hərbi zərbələr endirə biləcəyi bildirilib. Brodski qeyd edib ki, “İsrail bunu müharibə olmadan edə bilirsə, ABŞ da eyni şəkildə hərəkət edə bilər.”

Planın müəllifləri Trampın Tehran rejimini xəbərdar etməsini və lazım gələrsə, hərbi gücdən istifadə etməyə hazır olduğunu bildirməsini tövsiyə ediblər.

Digər bir hesabatda, Böyük Britaniya hökumətinə, Tramp administrasiyasının İrana qarşı maksimum iqtisadi sanksiyalarına dəstək verməyə çağırış edilib. Keçmiş milli təhlükəsizlik müşaviri Lord Mark Sedvill bildirib ki, bu siyasət İran xalqını dəstəklərini rejimdən çəkməyə təşviq edə bilər. O vurğulayıb ki, qərarı İran xalqı verməlidir, lakin Qərb düzgün seçimlərin mükafatlandırılacağını göstərməlidir.
Hər iki hesabat, Tramp administrasiyasının İrana qarşı daha sərt və strateji mövqe tutacağına işarə edir. Bu siyasət, İran rejiminin daxili və regional zəifliklərini artırmaq məqsədi daşıyır.