BAKI,VOA
Ankarada keçirilən NATO Dövlət və Hökumət Başçılarının 36-cı Zirvə toplantısı çərçivəsində təşkil olunan rəsmi qəbulda iştirakçılara Türkiyə mətbəxinin müxtəlif bölgələrini əks etdirən xüsusi menyu təqdim edilib.
Zirvə şərəfinə təşkil olunan şam yeməyində Anadolunun fərqli bölgələrindən seçilmiş məhsullarla hazırlanan ənənəvi yeməklər qonaqlara təqdim olunub.
Menyuya daş sobada bişirilmiş pide, Trabzon yağı və Hizan yayla balı, zeytun yağı ilə hazırlanmış tərəvəz sotesi və Denizli qatığı, Denizli qatığı və Ayaş hisli tomat sousu ilə təqdim edilən Kayseri mantısı daxil edilib.
Əsas yeməklər sırasında tarama sousu, Urla ənginarı və Tokat üzüm yarpağı ilə təqdim olunan dəniz levrəyi, eləcə də Trabzon yağı, közlənmiş badımcan və quzugöbəyi göbələyi əlavə edilmiş firik plovu ilə uzun müddət zəif odda bişirilmiş dana qabırğası yer alıb.
Şirniyyat olaraq isə Antep fıstığı köpüyü, Maraş dondurması və berqamotla servis edilən "Südlü Nuriye" təqdim olunub.