BAKI,VOA, Fərid Mikayılov

Türkiyənin Milli Təhsil Nazirliyində (MEB) yeni təyinatlar həyata keçirilib. Şanlıurfa və Kahramanmaraşda ard-arda baş verən məktəb hücumlarından dərhal sonra nazirlikdə diqqətçəkən kadr dəyişikliyi olub.

VOA xəbər verir ki, Rəsmi Qəzetdə dərc olunan qərara əsasən, Milli Təhsil nazir müavini Nazif Yılmaz vəzifəsindən azad edilib.

Qərarla yanaşı, Yılmazın boşaltdığı vəzifəyə Demirlinin gətirildiyi bildirilib. Nazif Yılmaz 8 yanvar 2022-ci ildən etibarən nazir müavini vəzifəsində çalışırdı.

Qeyd edək ki, bu dəyişikliklər Şanlıurfa və Kahramanmaraşda baş verən silahlı məktəb hücumlarından sonra baş verib.

İlk hadisə Şanlıurfanın Siverek rayonunda qeydə alınıb. Ahmet Koyuncu Peşə və Texniki Anadolu Liseyinə silahlı hücum edən keçmiş tələbə, av tüfəngi ilə atəş açaraq 16 nəfəri yaralayıb, daha sonra intihar edib.

Hadisədən 24 saat keçməmiş Kahramanmaraşda Ayser Çalık Ortaokuluna edilən oxşar hücumda isə 10 şagird həyatını itirib, 6 nəfər ağır olmaqla 13 nəfər yaralanıb. Hücumu həyata keçirən 14 yaşlı şagird də hadisə yerində intihar edib.