BAKI,VOA, Fərid Mikayılov
Türkiyənin İstanbul şəhərində mütəşəkkil cinayətkarlığa qarşı genişmiqyaslı əməliyyat keçirilib.
VOA xəbər verir ki, hüquq-mühafizə orqanlarının birgə fəaliyyəti nəticəsində ümumilikdə 17 nəfər saxlanılıb.
Məlumata əsasən, saxlanılanlardan 7 nəfəri yetkinlik yaşına çatmayan şəxslərdir. Əməliyyat çərçivəsində müxtəlif rayonlarda baş vermiş bir neçə cinayət faktında iştirak etdikləri ehtimal olunan şəxslər müəyyən edilərək zərərsizləşdirilib.
Qeyd olunub ki, cinayət şəbəkələrinin rəhbərlərinin xaricdə olduğu bildirilir və onlar hüquq-mühafizə orqanları tərəfindən nəzarətə götürülüb.
Bildirilib ki, faktla bağlı araşdırma davam etdirilir.