BAKI,VOA,Fərid Mikayılov
Türkiyənin paytaxtı Ankarada narkotik vasitələrin qanunsuz dövriyyəsinə qarşı keçirilən əməliyyat zamanı 28 nəfər həbs edilib.
VOA xəbər verir ki, Ankara Şəhər Polis İdarəsinin Narkotiklərlə Mübarizə Şöbəsinin əməkdaşları tərəfindən martın 15-dən 21-dək həyata keçirilən əməliyyat çərçivəsində narkotik vasitələrin dövriyyəsi ilə məşğul olan şəxslərə qarşı genişmiqyaslı tədbirlər görülüb.
Əməliyyat zamanı saxlanılan 60 şübhəlidən 28-i barəsində məhkəmə qərarı ilə həbs qətimkan tədbiri seçilərək istintaq təcridxanasına göndərilib.
Aparılan axtarışlar nəticəsində 7 min 221 ədəd sintetik dərman, 1 kiloqram 492 qram kokain, 516 qram marixuana, 716 qram sintetik narkotik maddə və 12 ədəd çətənə kolu aşkar edilərək götürülüb.
Bundan əlavə, narkotik dövriyyəsində istifadə edildiyi ehtimal olunan 2 ədəd həssas tərəzi, 1 tapança və 7 patron da müsadirə edilib.