BAKI, AzerVoice, Nailə Babazadə
Türkiyənin Mədəniyyət və Turizm Naziri Mehmet Nuri Ersoy bildirib ki, 2025-ci ildə xaricə qanunsuz çıxarılan 180 mədəniyyət nümunəsi Türkiyəyə qaytarılıb. 2002–2025-ci illər arasında isə ümumilikdə qaytarılan mədəniyyət nümunələrinin sayı 13 448-ə çatıb.
AzerVoice xəbər verir ki, nazir qeyd edib ki, Mədəniyyət Varlıqları və Muzeylər Baş İdarəsinin Qanunsuzluqla Mübarizə Şöbəsi vasitəsilə mədəni irsin qorunmasına dair fəaliyyətlər 2025-ci ildə də konkret nəticələrlə davam etdirilib. Xaricə çıxarılan mədəni nümunələr elmi, hüquqi və diplomatik yolla tək-tək müəyyən edilərək ölkəyə gətirilir, muzeylər, hərrac evləri və kolleksiyalar diqqətlə yoxlanılır, beynəlxalq əməkdaşlıqlar və hüquqi proseslər isə ardıcıl aparılır.
2025-ci ildə qaytarılan mədəni nümunələr arasında Burdur Boubon Antik şəhərindən gələn bronz Marcus Aurelius heykəli ABŞ-dan Türkiyəyə gətirilib. Bu əsər Prezidentlik Millət Kitabxanasında açılan “Arxeologiyanın Qızıl Çağı” sərgisində ictimaiyyətin ziyarətinə təqdim olunub.
İsveçrə ilə əməkdaşlıq çərçivəsində St. Gallen kantonunda 7 Anadolu mənşəli mədəniyyət nümunəsi Türkiyəyə qaytarılıb. Bahreyn tərəfindən könüllü şəkildə iade edilən İbn-i Berrecan’a aid 1268-ci il tarixli “Kitab Şerhu’l-Esma” yazması isə 3 iyul 2025-ci ildə Konya Yusuf Ağa Yazma Əsər Kitabxanasına təhvil verilib.
Bundan əlavə, Nyu-Yorkda keçirilən mərasimlərdə Urartu dövrünə aid bronz kəmər, öküz başlı dəbilqələr, Lidya gümüş phialesi, Roma İmperiyası dövrünə aid zirehli imperator heykəli və 83 Anadolu mənşəli bronz sikkə Türkiyəyə qaytarılıb.
Nazir vurğulayıb ki, hər bir qaytarılma yalnız bir əsərin geri dönməsi deyil, həm də tarixə, mədəni yaddaşa və mədəni müstəqilliyə sahib çıxmağın göstəricisidir. O, bildirib ki, mədəniyyət, incəsənət və turizmi gücləndirən addımlarla Türkiyə əsri birgə qurulur.