BAKI, AzerVoice, Nailə Babazadə
Türkiyədə Konya mərkəzli 9 əyalətdə, FETÖ-nün gizli təşkilatlanmasına qarşı keçirilən əməliyyatda 20 şübhəli saxlanılıb.
AzerVoice xəbər verir ki, Cumhuriyyət Baş Prokurorluğu tərəfindən aparılan araşdırmalar nəticəsində, təşkilatın müəyyən strukturlarında fəaliyyət göstərdikləri müəyyən edilən 25 şübhəli üçün axtarış qərarı çıxarılmışdı.
Konya Polis İdarəsinin əməkdaşları, Konya, Ankara, Kırıkkale, İzmir, Manisa, İstanbul, Kocaeli, Erzurum və Karaman şəhərlərində eyni vaxtda keçirilən əməliyyatlarda 20 şübhəliyi saxlayıb. Şübhəlilərin polis idarəsindəki araşdırmaları davam edir.
Ünvanlarında tapılmayan 5 şübhəlini isə saxlamaq üçün əməliyyatlar davam etdirilir.