BAKI, AzerVoice, Nərmin Ağayeva

Türkiyənin Denizli şəhərində dörd gündür davam edən meşə yanğınına qarşı mübarizə intensiv şəkildə davam edir.

AzerVoice xəbər verir ki, avqustun 29-da Aydının Buharkent rayonunun Kızıldere məhəlləsində başlayan və Dənizlinin Buldan rayonundakı Çatak, Gölbaşı və Bölmekaya məhəllələrinə sıçrayan meşə yanğını ilə mübarizə gecə-gündüz davam edir. Yanğının dördüncü günündə alovların qarşısını almaq üçün yerli və regional ekipajlar böyük səylə çalışır. Gün işığı ilə birlikdə yanğını söndürmək məqsədilə 14 təyyarə, o cümlədən bir təyyarə və 13 helikopter yenidən əməliyyatlara cəlb olunub.

Əməliyyatlarda 137 su maşını, 12 tikinti texnikası, 74 ilkin müdaxilə maşını və 871 şəxsi heyət iştirak edir. Meşə Təsərrüfatı Baş Direktoru Bəkir Karacabey yanğın bölgəsində vəziyyəti yerindəcə qiymətləndirərək, Dənizli valisi Ömər Faruk Coşkun, AK Partiya Dənizli millət vəkili Şahin Tin, İl Təhlükəsizlik Müdiri Yavuz Sağdıç və Meşə Regional Müdiri Əhməd Köle ilə görüşüb, son vəziyyətlə bağlı məlumat mübadiləsi aparıb. Yanğının nəzarət altına alınması üçün bütün resursların səfərbər edildiyi bildirilir.

Qeyd edək ki, yanğın avqustun 29-da Aydının Buharkent rayonunda başlayıb və qonşu Dənizli rayonuna sıçrayaraq geniş ərazidə təsirini göstərib, hazırda bölgədəki meşə sahələrinin mühafizəsi üçün intensiv mübarizə aparılır.