ABŞ Dövlət Katibi Marko Rubio bildirib ki, ölkəsi artıq Fairfax dairəsi və Los-Ancelesdən axtarış-xilasetmə qruplarını Venesuelaya göndərib. O, əlavə edib ki, digər qrupların da göndərilməsi nəzərdə tutulub və ABŞ zərər görmüş sahələrin vəziyyətini izləmək üçün, xüsusən sahil bölgələrində, görüntü məlumatları ilə də dəstək verir. Rubio vurğulayıb ki, bu fəaliyyətlər qarşıdakı 48-72 saat ərzində ən təcili ehtiyacların qarşılanmasına yönəlib. Onun sözlərinə görə, ABŞ-ın təşəbbüsü həm texniki, həm praktiki xarakter daşıyır, zərər görmüş əhali üçün tez və effektiv cavab təmin etməyi hədəfləyir. Bu çərçivədə quru və hava vasitələri ilə axtarış və xilasetmə işləri həyata keçirilir, dağıntıların təsiri qiymətləndirilir, sahil bölgələrində vəziyyət izlənir və yardımın çatdırılması koordinasiya olunur.

Beynəlxalq Qızıl Xaç və Qızıl Hilal Cəmiyyətləri Venesuelada baş verən zəlzələyə cavab olaraq fəaliyyətlərini gücləndirib. Venesuela Qızıl Xaçı ölkə üzrə xəstəxanalar və poliklinikalar şəbəkəsi vasitəsilə yardım göstərir. Hazırda zərərin tam miqyası məlum deyil və güclü afterşoklar həm əhali, həm də yardım komandaları üçün risk yaradır. Qurtarma qrupları ən pis təsir görmüş bölgələrdə qiymətləndirmə aparır və yardım paylayır.

Yunanıstanın Evia adasında iri meşə yanğını baş verib. Hadisə ilə əlaqədar iki yaşayış məntəqəsinin təxliyəsinə qərar verilib. Yanğının söndürülməsinə 88 yanğınsöndürən və könüllü cəlb olunub. Əməliyyatlarda səkkiz təyyarə və altı helikopter iştirak edir. Alovun yaşayış məntəqələrinə yaxınlaşdığı bildirilir. Rəsmilər təhlükəsizlik tədbirlərini gücləndiriblər. Yanğının yayılmasının qarşısını almaq üçün havadan və qurudan müdaxilə davam edir. Hadisənin səbəbləri araşdırılır.

Polşa Yepiskopları Konfransı ölkəyə qarşı yarana biləcək silahlı münaqişə və ya təbii fəlakət ehtimallarını nəzərə alaraq, kilsə prixodlarının fövqəladə yardım mərkəzləri kimi fəaliyyət göstərməsi üçün xüsusi fəaliyyət planı hazırlayır.

Məscidül-Əqsanın xatibi və Qüds Ali İslam Heyətinin sədri Şeyx İkrima Səbri İsrailin məscidi bağlı saxlamasının ağır fəsadları barədə xəbərdarlıq edib. Şeyx Səbri yüz minlərlə müsəlmanın Ramazan ayı və Ramazan bayramı müddətində ibadətdən məhrum edilməsindən sonra cümə namazlarının qadağan edilməsinin qəbulolunmaz olduğunu bildirib. O, müsəlmanların ibadət hüququnun əlindən alınmasının beynəlxalq din azadlığı prinsiplərinə zidd olduğunu vurğulayıb.

İsrail hakimiyyətinin mübarək Məscidül-Əqsanı bağlaması ikinci ayına daxil olur. Bu müddətdə İsrail tərəfin mövcud vəziyyəti (status-kvo) dəyişmək, yeni faktiki reallıqlar tətbiq etmək, məkanı yəhudiləşdirmək və İslam Vəqfləri İdarəsinin səlahiyyətlərini sıradan çıxarmaq cəhdləri ilə bağlı ciddi xəbərdarlıqlar edilir.

Havay adalarında dördüncü kateqoriyalı “Kiko” qasırğasının yaxınlaşması ilə əlaqədar fövqəladə vəziyyət elan edilib. Bununla bağlı Havay ştatının qubernatoru vəzifəsini icra edən Silviya Lyuk bəyanat yayıb. “Qərar əhalinin sağlamlığını, təhlükəsizliyini və rifahını qorumaq üçün fövqəladə tədbirlərin və resursların işə salınmasını nəzərdə tutur. ‘Kiko’ qasırğası ilə əlaqədar güclü küləklər, leysan yağışlar və hündür dalğalar sentyabrın 8-də, bazar ertəsi günü ştatın bəzi hissələrinə təsir göstərə bilər” – deyə bəyanatda vurğulanıb.

ABŞ Geoloji Xidməti (USGS) zəlzələnin 6 bal gücündə olduğunu və Cəlalabaddan 27 kilometr şimal-şərqdə, Əfqanıstan-Pakistan sərhədi yaxınlığında, yerin 8 kilometr dərinliyində baş verdiyini açıqlayıb. Yerli rəsmilər bu zəlzələni ölkə tarixindəki ən güclü təbii fəlakətlərdən biri kimi qiymətləndiriblər. Əfqanıstanın müvəqqəti hökumətinin sözçüsü Zəbihullah Mücahid mətbuat konfransında zəlzələ nəticəsində ölənlərin sayının 800-ü, yaralıların sayının isə 2500-ü keçdiyini bildirib. O, həmçinin ölkənin zərər çəkmiş bölgələrində xilasetmə və yardım əməliyyatlarının davam etdiyini qeyd edib.

Beynəlxalq Qızıl Xaç və Qızıl Aypara Cəmiyyətləri Federasiyası (IFRC) Əfqanıstanda baş verən zəlzələ ilə bağlı yaydığı açıqlamada, Kunar, Nangarhar və Lağman əyalətlərindəki dağıdıcı zəlzələnin geniş miqyaslı ziyana səbəb olduğunu bildirib. Açıqlamada, zəlzələ nəticəsində bir çox ailənin evsiz qaldığı və təcili humanitar yardıma ehtiyac duyduğu vurğulanıb. Əfqanıstan Qızıl Ayparası fövqəladə hallar qruplarını zərər çəkmiş ərazilərə göndərərək axtarış-xilasetmə və tibbi yardım işlərinə başlayıb. Yaralılar, xüsusilə Nangarhar xəstəxanası kimi sıxlıq yaşanan tibb müəssisələrinə təxliyə edilir.

“Dawn” qəzetinin Pəncab Fəlakət İdarəsinə (PDMA) istinadən verdiyi məlumata görə, son bir həftədə Pəncab əyalətində leysan yağışların səbəb olduğu daşqınlar 33 nəfərin ölümünə və 8 nəfərin yaralanmasına səbəb olub. Daşqınlar təxminən 2 milyon insana təsir edib, bu səbəbdən 506 yardım düşərgəsi qurulub və xilasetmə qrupları 760 min insanı və 516 min heyvanı təhlükəsiz ərazilərə təxliyə edib. Pakistan Milli Fəlakət İdarəsi (NDMA) isə sentyabrın 1-dən 3-dək İslamabad və Pəncabın müxtəlif bölgələrində güclü yağışların gözlənildiyini və daşqın riskinin artacağını xəbərdar edi

Əməliyyatlarda 137 su maşını, 12 tikinti texnikası, 74 ilkin müdaxilə maşını və 871 şəxsi heyət iştirak edir. Meşə Təsərrüfatı Baş Direktoru Bəkir Karacabey yanğın bölgəsində vəziyyəti yerindəcə qiymətləndirərək, Dənizli valisi Ömər Faruk Coşkun, AK Partiya Dənizli millət vəkili Şahin Tin, İl Təhlükəsizlik Müdiri Yavuz Sağdıç və Meşə Regional Müdiri Əhməd Köle ilə görüşüb, son vəziyyətlə bağlı məlumat mübadiləsi aparıb. Yanğının nəzarət altına alınması üçün bütün resursların səfərbər edildiyi bildirilir.

İlkin məlumatlara görə, zəlzələ nəticəsində 250-dən çox insan həyatını itirib, 500-dən çox insan yaralanıb, ölü sayının artacağı gözlənilir. ABŞ Geoloji Xidməti (USGS) zəlzələnin episentrinin Cəlalabaddan 27 kilometr şimal-şərqdə, Pakistan sərhədi yaxınlığında, 8 kilometr dərinlikdə olduğunu açıqlayıb. Zəlzələnin vurduğu ən böyük zərər Kunar əyalətində qeydə alınıb, burada torpaq sürüşməsi nəticəsində yollar bağlanıb və xilasetmə işləri vertolyotlarla aparılır.