BAKI, AzerVoice

Leman jurnalı qalmaqalı böyüyür- Baş redaktor Aslan Özdemir barəsində həbs qərarı verilib.

AzerVoice xəbər verir ki, Məhəmməd peyğəmbər və Musa peyğəmbərin təsvir olunduğu karikaturanın “Leman” jurnalında dərc olunması ilə bağlı başlanan istintaq çərçivəsində jurnalın baş redaktoru Aslan Özdemir barəsində həbs qərarı çıxarılıb.

Xaricdə olduğu müəyyən edilən baş redaktorun bu gün İstanbul Hava Limanından ölkəyə daxil olacağı aşkarlanıb və dərhal tutulması barədə göstəriş verilib.

İstanbul Respublika Baş Prokurorluğu tərəfindən aparılan istintaq nəticəsində baş redaktorun polisə təqdim olunaraq prokuror tərəfindən dindirilməsi qərara alınıb.

Qeyd edək ki, sözügedən karikatura ilə bağlı daha əvvəl karikatura müəllifi Doğan Pehlevan “Prezidenti təhqir etmək” və “ictimaiyyəti nifrət və düşmənçiliyə sövq etmək” maddələri ilə həbs edilib. Bundan əlavə, jurnalın digər məsul şəxsləri – keçmiş baş redaktor Zəfər Aknar, qurum müdiri Əli Yavuz və qrafik dizayner Okçu Cebrarest də eyni ittihamlarla həbs olunublar.

Bu hadisə Türkiyədə ifadə azadlığı ilə dini və ictimai dəyərlərə hörmət arasında balansın yenidən müzakirə mövzusuna çevrilib.