BAKI,
AzerVoice
Türkiyə və ABŞ arasında iqtisadi əməkdaşlıq və regional sabitlik
mövzusunda mühüm görüş keçirilib.
AzerVoice xəbər verir ki, Türkiyənin
Xəzinə və Maliyyə naziri Mehmet Şimşək Vaşinqtonda ABŞ-ın maliyyə
naziri Skott Bessent ilə görüşüb.
G20, BVF və Dünya Bankı Bahar toplantıları çərçivəsində baş tutan
görüşdə Türkiyə Mərkəzi Bankının sədri Fatih Karahan da iştirak
edib.
Görüşdə investisiya, ticarət, nəqliyyat və enerji sahələrində əməkdaşlıq imkanları müzakirə olunub. Tərəflər müdafiə sənayesində əməkdaşlığın genişləndirilməsi üçün mövcud məhdudiyyətlərin aradan qaldırılmasının vacibliyini vurğulayıblar. Türkiyənin iqtisadi sabitlik proqramı haqqında məlumat təqdim edilib.
Qeyd edək ki, görüşdə regional sülh və sabitliyin təmin olunması üçün birgə addımlar da müzakirə edilib. Tərəflər Suriyaya tətbiq edilən sanksiyaların aradan qaldırılması və Ukraynada atəşkəsin təmin olunması məsələlərinə də toxunublar.