Bakı,AzerVoice
BYD-nin Türkiyədəki 1 milyard dollarlıq investisiya qərarından sonra BYD Çin mənşəli avtomobillərə tətbiq olunacaq əlavə vergilərdən azad ediləcək.
AzerVoice xəbər verir ki, bu barədə BYD Türkiyə baş direktoru İsmail Ergün açıqlama verib.
"Həm yeddi bölgəyə, həm də Çin mənşəli 20 xidmət və nəqliyyat vasitəsinə tətbiq olunan bütün əlavə vergilərdən azad olacağıq",- deyə Ergün bildirib.
“Məqsədimiz istehsala başladıqdan sonra bazarda ilk üçlük arasında olmaqdır. BYD, istehsal investisiyasını 2026-cı ilin sonuna qədər tamamlamaq üçün müqavilə imzalayıb. Biz ilin sonuna qədər dilerlərimizin sayını 10-dan 20-yə, gələn il üçün isə 40-ı ötməyi hədəfləyirik",- deyə baş direktor vurğulayıb.
Qeyd edək ki, dünyanın ən böyük avtomobil şirkətlərindən biri olan Çinin BYD şirkəti ilə Türkiyə Sənaye və Texnologiya Nazirliyi arasında Türkiyəyə təxminən 1 milyard dollarlıq sərmayəni nəzərdə tutan müqavilə imzalanıb.
