Bakı. AzerVoice:
Fələstinin haqq işini dəstəkləyirik.
AzerVoice xəbər verir ki, bu barədə Türkiyə Rəcəb Tayyib Ərdoğan İstanbulda keçirilən “Parlamentlərarası Qüds Platformasının 5-ci Konfransı”nda çıxışı zamanı deyib.
"Əllərində olan mətbuat və lobbi gücü ilə Qəzzada törətdikləri qətlləri ört-basdır edə biləcəklərini düşünürlər. Sırf İsrail və onun Qərb tərəfdarları bunu istədikləri üçün HƏMAS-ı terrorçu kimi qələmə verənlər sırasında ola bilmərik. Son əsrdə torpaqları mərhələli şəkildə işğal edilən Fələstin xalqı bu gün tarixin ən amansız zülmlərindən birinə məruz qalır", - deyə o vurğulayıb.
Qeyd edək ki, Qəzzanın Səhiyyə Nazirliyi bildirir ki, Qəzzada 34 mindən çox fələstinli öldürülüb və 2,3 milyon əhalisinin əksəriyyəti evlərini tərk etmək məcburiyyətində qalıb.
Nazirlik öz sayında mülki şəxslər və döyüşçülər arasında fərq qoymur, lakin qadınların və uşaqların ölənlərin üçdə ikisini təşkil etdiyini bildirir.
İsrail dinc sakinlərin ölməsində HƏMAS-ı günahlandırır, çünki yaraqlılar sıx yaşayış məntəqələrində döyüşürlər.
İsrail heç bir sübüt təqdim etmədən 13 min HƏMAS döyüşçüsü öldürdüyünü bildirib.
Bu arada Qəzzada döyüşlər davam edir. İsrailin Qəzzanın cənubunda BMT-nin fələstinli qaçqınlarla işləyən agentliyi olan UNRWA-nın qida paylama məntəqəsinə endirdiyi zərbə nəticəsində agentliyin bir əməkdaşı həlak olub, 22 nəfər yaralanıb.
UNRWA-nın məlumatına görə, son beş ayda gedən döyüşlər zamanı agentliyin həlak olan işçilərinin sayı 165-ə çatdırıb.
Qəzzanın səhiyyə orqanları UNRWA anbarının həyətinə endirilən zərbə nəticəsində ümumilikdə 5 nəfərin öldüyünü bildirib.