Bakı, AzerVoice
Bu il türkiyədə elektron ixracatın həcmi 8 milyard dollar təşkil edəcək.
AzerVoice xəbər verir ki, bu haqda Türkiyə Ticarət Nazirliyi məlumat verib.
Verilən məlumata əsasən, nazirliyin e-ixrac sahəsində qlobal ticarətdə ixracatçıların payını artırmaq üçün dəstək paketləri ilə işləri davam etdirdiyi və dəstək paketi çərçivəsində 207 şirkət, 2 market, 6 pərakəndə satış elektron ticarət saytı və 9 e-ixrac konsorsiumu üçün 320 milyon lirəlik dəstək göstərildiyi bildirilib.
Açıqlamada şirkətlərin qlobal bazarlarda onlayn mağaza açmasını asanlaşdıraraq 2025-ci ildə e-ixrac əməliyyatlarına dəstək verilməyə davam ediləcəyi bildirilib.
Qeyd edək ki, şirkət vasitəsilə birbaşa olaraq xarici müştərilərə çatmaq üçün hazırlanan “Elektron İxrac Dəstəyi haqqında Qərar” 2022-ci ildə qüvvəyə minib.
Türkiyənin e-ixracının 2022-ci ildə 2,2 milyard dollarla ümumi ixracda payı 0,90 faiz olduğu halda, 2023-cü ildə 5 milyard dollarla 2,12 faiz, 2024-cü ildə isə 6,4 milyard dollarla 2,6 faiz olub.