Bakı,AzerVoice
Türkiyənin Daxili İşlər naziri Ali Yerlikaya son 10 gündə 27
vilayətdə FETÖ-yə qarşı həyata keçirilən Kıskaç-32 əməliyyatları
nəticəsində 93 şübhəlinin tutulduğunu açıqlayıb.
AzerVoice xəbər verir ki, Nazir Yerlikaya sosial media hesabında, "Milli iradəmizə zərbə vurmağa çalışan bu quruluşu tamamilə məhv edənə qədər mübarizəmizi davam etdirəcəyik," deyə bildirib.
Əməliyyatlar Respublika Baş Prokurorluğu və Təhlükəsizlik Ümumi
Müdirliyinin koordinasiyasında həyata keçirilib. Adana, İstanbul,
İzmir, Diyarbəkir, Qaziantep və digər vilayətlərdə keçirilən
əməliyyatlarda şübhəlilərin saxlanıldığı bildirilib.
Əməliyyatlar zamanı 3 sənədsiz tapança, 2 ov tüfəngi, xarici
valyuta, türk lirəsi, sənəd və rəqəmsal materiallar ələ
keçirilib.
Nazir Yerlikaya, tutulan şəxslərin FETÖ-nün indiki strukturlarında aktiv şəkildə iştirak etdiklərini, təşkilatın məsul şəxsləri ilə taksofon vasitəsilə əlaqə saxladıqlarını və “Bylock” rabitə proqramından istifadə etdiklərini vurğulayıb.