Bakı. AzerVoice:

Türkiyənin Bosniya və Herseqovina ilə əlaqələrinin dərinləşməsinə qətiyyətli, səmimi və konstruktiv töhfələri hər zaman davam edəcək.

AzerVoice-un məlumatına görə, bunu Türkiyə Prezidenti Rəcəb Tayyib Ərdoğan Bosniya və Herseqovina Prezident Şurasının üzvləri Denis Becirovic, Zeljko Komsiç və Zeljka Cvijanovic ilə 3-cü Antalya Diplomatik Formunda olan görüşü zamanı deyib.

Məlumata görə, görüşdə Türkiyə ilə Bosniya-Hersoqovina arasında münasibətlər, regional problemlər və qlobal problemlər müzakirə olunub.

"Bosniya-Hersoqovinanın birliyini, sülhünü və sabitliyini qoruyub saxlamaq, iki ölkə arasında münasibətləri dərinləşdirmək Türkiyə üçün çox önəmlidir və bizim bu məsələlərdə qətiyyətli, səmimi və konstruktiv töhfələrimiz hər zaman davam edəcək”. - deyə Ərdoğan bildirib.

O, iki ölkənin ticarət həcminin artırılması istiqamətində atılan addımların və bütün sahələrdə əməkdaşlığın davam etdiriləcəyini qeyd edib.

Qeyd edək ki, forumda 60-dan çox dövlətin xarici əlaqələr idarələrinin rəhbərləri, 80 beynəlxalq və regional təşkilatın nümayəndələri iştirak edəcək.

Xatırladaq ki, Antalya Diplomatik Forumu 1-3 Mart tarixlərində keçiriləcək.