İstanbul Baş Prokurorluğu elektron pul və ödəniş platforması VEPARA haqqında “cinayət yolu ilə əldə edilmiş əmlak dəyərlərinin yuyulması” maddəsi üzrə istintaqa başlayıb. 6 vilayətdə keçirilən əməliyyat çərçivəsində 31 şübhəli barəsində saxlanılma qərarı verilib. Papara, Payfix, IQ Money və PAYCO əməliyyatlarından sonra elektron ödəniş şirkətlərinə yönəlik çirkli pul araşdırmaları davam edir. İstanbul Respublika Baş Prokurorluğunun Terrorçuluğun Maliyyələşdirilməsinin Qarşısının Alınması və Pul Yuyulması Cinayətləri üzrə İstintaq Bürosu, VEPARA Elektron Pul və Ödəniş Xidmətləri Sistemi şirkəti barədə “əmlak dəyərlərinin yuyulması” cinayətləri üzrə istintaq başladıb.

ABŞ mətbuatında dərc olunan analitik yazıda Türkiyənin F-35 proqramına mümkün şəkildə yenidən daxil edilməsi ilə bağlı narahatlıqlar ifadə olunub. ABŞ-nin “The Wall Street” nəşrində Amit Segal imzası ilə yayımlanan təhlildə Türkiyəyə F-35 döyüş təyyarələrinin verilməsinin regional təhlükəsizlik baxımından risklər yarada biləcəyi iddia edilib.

Türkiyə Qızıl Aypara Cəmiyyəti İraqın Kərkük şəhərində baş verən daşqınlardan zərər çəkmiş ailələrə ərzaq yardımı çatdırıb. Humanitar yardım çərçivəsində Kərkük şəhəri və ətraf yaşayış məntəqələrində yaşayan sakinlərə ümumilikdə 500 ədəd ərzaq qutusu paylanılıb. Yardımlar daşqından ən çox zərər görmüş Kərkükə bitişik Yəhyava bölgəsində, eləcə də Yarımdca, Zindana, Kübətli və Bəşir kəndlərində həyata keçirilib.

Türkiyə Prezidenti Rəcəb Tayyib Ərdoğan Sudanın Suveren Şurasının sədri Abdel Fəttah əl-Burhan ilə Ankarada Prezident Sarayında görüş keçirib. Türkiyə Prezident Administrasiyasının Kommunikasiyalar İdarəsinin yaydığı məlumata görə, görüş zamanı Türkiyə ilə Sudan arasında ikitərəfli münasibətlər, eləcə də regional və qlobal proseslər müzakirə olunub.

Türkiyə Prezidenti Rəcəb Tayyib Ərdoğan bildirib ki, Türk diasporu qarşılaşdığı çoxsaylı çətinliklərə baxmayaraq ayaqda qalmağı və bütün sahələrdə söz, təsir və iradə sahibi olmağı bacarıb. Bu fikirlər Prezident Ərdoğanın Prezident Sarayında keçirilən tədbirdə çıxışı zamanı səsləndirilib. O, dünyanın müxtəlif bölgələrində yaşayan 7 milyondan çox Türkiyə vətəndaşına salam və sevgilərini çatdıraraq, soydaş və qohum icmalarla mənəvi bağların önəmini vurğulayıb. Ərdoğan çıxışında Qəzza, Fələstin, Livan, Sudan və digər bölgələrdə yaşanan humanitar böhranlara diqqət çəkərək, xüsusilə Qəzzada 2 milyondan çox fələstinlinin ağır şəraitdə yaşamaq uğrunda mübarizə apardığını qeyd edib. O, İsrailin hücumlarını insanlığa zidd adlandırıb və İslam aləmi üçün həmrəylik çağırışı edib.

Türkiyənin Milli Müdafiə Nazirliyi (MN) hava məkanının təhlükəsizliyinin 7 gün 24 saat əsasda təmin edildiyini və bu sahədə hər hansı boşluğun olmadığını açıqlayıb. Nazirlikdən verilən məlumata görə, Milli Müdafiə Nazirliyində keçirilən həftəlik brifinqdən sonra jurnalistlərin sualları cavablandırılıb. Bildirilib ki, Türkiyənin hava məkanına nəzarət radarlar, elektro-optik sensorlar, quru, dəniz və hava qüvvələri, eləcə də NATO ilə inteqrasiya olunmuş çoxsəviyyəli müdafiə sistemi vasitəsilə fasiləsiz şəkildə həyata keçirilir.

İstanbul Cumhuriyyət Baş Prokurorluğunun Terror Cinayətləri üzrə İstintaq Bürosu tərəfindən aparılan araşdırma çərçivəsində sabiq TFF sədr müavini, keçmiş basketbolçu Lütfi Arıboğan, TFF-nin keçmiş baş katibi Ebru Köksal, Türkiyə Milli Olimpiya Komitəsinin prezidenti Ahmet Gülüm və hüquqşünas İlhan Helvacı ifadə vermək üçün hüquq-mühafizə orqanlarına dəvət olunub.

İstanbulda Yeni il və Milad tədbirlərinə qarşı mümkün terror hücumlarının qarşısının alınması məqsədilə İŞİD terror təşkilatına qarşı genişmiqyaslı əməliyyat keçirilib. Əməliyyat nəticəsində hücum planlaşdırmaqda şübhəli bilinən 115 nəfər saxlanılıb. İstanbul Respublika Baş Prokurorluğunun yaydığı məlumata görə istintaq çərçivəsində ümumilikdə 137 nəfər barəsində saxlanılma qərarı çıxarılıb. Polis qüvvələri şəhər üzrə 124 ünvanda eyni vaxtda əməliyyat həyata keçirib.

Qazaxıstan dövlət qurumlarının süni intellektdən (AI) istifadəyə hazırlığı üzrə Mərkəzi Asiyada lider mövqeyə yüksəlib və Oxford Insights tərəfindən açıqlanan Government AI Readiness Index 2025 reytinqində 195 ölkə arasında 60-cı yerə yüksəlib. Qazaxıstanın Süni İntellekt və Rəqəmsal İnkişaf Nazirliyinin dekabrın 24-də yaydığı məlumata görə, ölkə ötən illə müqayisədə 16 pillə irəliləyərək ən sürətli inkişaf göstərən dövlətlərdən biri olub. 2024-cü ildə Qazaxıstan bu reytinqdə 76-cı pillədə qərarlaşmışdı.

Türkiyə Respublikası ilə Belarus Respublikası arasında 29 mart 2013-cü il tarixində imzalanmış “Viza Tələblərinin Qarşılıqlı Ləğvi Anlaşması”na dəyişiklik edilməsi barədə protokol rəsmi olaraq təsdiqlənib.

Tez-tez təkrarlamağı sevdiyim bir ifadə var və görünür, indi biz sərt soyuqlar və leysan yağışlarla müşayiət olunan qış günlərində kifayət qədər isti hadisələrə şahid olacağıq. Təxminən bir aydır ki, Türkiyədə baş verən qeyri-adi hadisə və prosesləri diqqətlə izləyirəm. Türkiyənin Müdafiə Nazirliyi ölkə hava məkanına daxil olan və mənşəyi müəyyən edilməyən beşdən artıq pilotsuz uçuş aparatının (PUA) vurulduğunu və ya tapıldığını açıqlayıb. Bu məsələ ilə bağlı ekspertlər iki düşərgəyə bölünür: bir qrup bu PUA-ların Rusiya istehsalı olduğunu, digər qrup isə onların Ukrayna hava məkanından gəldiyini iddia edir. Hər iki versiyanı birləşdirən məqam ondan ibarətdir ki, bu pilotsuz aparatların Suriya–Ukrayna müharibəsi kontekstində istifadə edildiyi, sonradan isə hədəfini itirərək Türkiyə ərazisinə düşdüyü ehtimal olunur.

Sudanın Suveren Şurasının sədri Abdel Fəttah əl-Burhan Türkiyə Prezidenti Rəcəb Tayyib Ərdoğanın dəvəti ilə dekabrın 25-də Türkiyəyə işgüzar səfər edəcək. Türkiyə Prezident Administrasiyasının Kommunikasiyalar İdarəsinin rəhbəri Burhanəddin Duran sosial şəbəkə hesablarında paylaşım edib. Məlumata əsasən, səfər çərçivəsində keçiriləcək danışıqlarda Türkiyə ilə Sudan arasında ikitərəfli münasibətlərin mövcud vəziyyəti, Sudandakı son hadisələr və ölkədəki humanitar vəziyyət müzakirə olunacaq.