Türkiyənin vitse-prezidenti Cevdet Yılmaz ABŞ və İran arasında əldə olunan razılaşmanı müsbət qiymətləndirib. O qeyd edib ki, ABŞ və İran arasında əldə olunan anlaşma regional və qlobal sabitliyin güclənməsinə, insani və iqtisadi itkilərin azalmasına töhfə verə bilər.

ABŞ-də süzülmüş yoqurt istehsalı ilə tanınan Chobani qısa müddətdə dünyanın ən məşhur qida markalarından birinə çevrilib. Şirkət yüksək zülallı yunan tipli yoqurtları ilə bazarda inqilab yaradaraq ABŞ-də bu məhsul kateqoriyasının geniş yayılmasına səbəb olub. Sonradan fəaliyyət sahəsini genişləndirən şirkət bitki mənşəli məhsullar, yulaf əsaslı içkilər, qəlyanaltılar və soyuq qəhvə bazarına da daxil olub.

Türkiyə rəqəmsal transformasiya sahəsində yeni mərhələyə qədəm qoyur. Ölkədə 5G texnologiyasının tətbiqindən əldə olunan təcrübə və infrastruktur imkanları artıq növbəti nəsil rabitə texnologiyası olan 6G istiqamətində hazırlıqların başlanmasına şərait yaradıb. Bu barədə İstanbul Maliyyə Mərkəzində keçirilən Rəqəmsal Transformasiya Zirvəsində Türkiyənin nəqliyyat və infrastruktur naziri Abdulkadir Uraloğlu məlumat verib.

Aşqabadda Türkmənistan və İran arasında ikitərəfli əməkdaşlığın cari vəziyyəti və perspektiv istiqamətləri müzakirə olunub. Tərəflər müxtəlif sahələrdə qarşılıqlı əlaqələrin daha da inkişaf etdirilməsi ilə bağlı fikir mübadiləsi aparıblar. Türkmənistan Xarici İşlər Nazirliyinin yaydığı məlumata görə, iyunun 12-də Türkmənistanın xarici işlər naziri Rəşid Meredov ilə İran İslam Respublikasının xarici işlər nazirinin müavini Mehdi Sobhani arasında görüş keçirilib.

Türkiyənin əsas müxalifət qüvvələrindən olan Cümhuriyyət Xalq Partiyasında daxili proseslərlə bağlı müzakirələr davam edir. Partiyada daha əvvəl açıqlanan ilk intizam qərarlarından sonra yeni ixrac qərarlarının gündəmə gəldiyi iddia olunur. Türkiyəli jurnalist Sinan Burhan televiziya proqramında çıxışı zamanı partiya daxilində yeni intizam tədbirlərinin müzakirə olunduğunu bildirib. Onun sözlərinə görə, Kamal Kılıçdaroğlu tərəfindən irəli sürüldüyü iddia olunan “təmizlənmə prosesi” çərçivəsində bəzi şəxslərin adları müzakirə olunur.

Türkiyə ilə Səudiyyə Ərəbistanı arasında diplomatik və xüsusi pasport sahibləri üçün qarşılıqlı viza tələbinin ləğv edilməsini nəzərdə tutan saziş rəsmi şəkildə qüvvəyə minib. Yeni qərar iki ölkə arasında diplomatik əlaqələrin və qarşılıqlı səfərlərin daha da asanlaşdırılmasına yönəlib. Saziş 2026-cı il mayın 6-da Ankarada imzalanıb və Türkiyə Prezidenti Rəcəb Tayyib Ərdoğan tərəfindən təsdiqləndikdən sonra rəsmi dövlət nəşrində dərc edilərək qüvvəyə minib.

Səudiyyə Ərəbistanı ilə Qazaxıstan arasında mədənçilik və mineral ehtiyatlar sahəsində əməkdaşlığın gücləndirilməsinə yönəlmiş anlaşma memorandumu imzalanıb. Bəndər əl-Xurayefin Qazaxıstana rəsmi səfəri çərçivəsində əldə olunan razılaşma mədənçilik sektorunda əməkdaşlığın dərinləşdirilməsinə, birgə layihələrin həyata keçirilməsinə və hər iki ölkənin şirkətləri arasında tərəfdaşlığın möhkəmləndirilməsinə xidmət edir.

Türkiyənin xarici işlər naziri Hakan Fidan ABŞ-nin Ankaradakı səfiri, eyni zamanda Vaşinqtonun Suriya və İraq üzrə xüsusi nümayəndəsi Tom Barrakı qəbul edib. Regional təhlükəsizlik arxitekturası baxımından bu rəsmi təmas Ankaranın xarici siyasət kursunda yaxından izlənilən mühüm hadisə kimi qiymətləndirilir.

İstanbulda Axıska türklərinin deportasiyası tarixini və onların doğma torpaqlara qayıdış uğrunda mübarizəsini əks etdirən genişmiqyaslı sərgi təşkil olunacaq. Məlumata görə, ekspozisiya Türkiyə Xarici İşlər Nazirliyinin dəstəyi, Dünya Axıska Türkləri Birliyinin koordinasiyası və muzeyçilik sahəsi üzrə mütəxəssis Bəstə Gürsunun kuratorluğu ilə hazırlanıb.

Rəcəb Tayyib Ərdoğan hakim Ədalət və İnkişaf Partiyasının rəhbər orqanlarının son iclasında əsas diqqətin ölkənin təhlükəsizlik gündəliyinə və “Terrorsuz Türkiyə” strategiyasına yönəldilməsinin vacibliyini vurğulayıb.

Şimali Kipr Türk Cümhuriyyəti Xarici İşlər Nazirliyi Birləşmiş Millətlər Təşkilatının sülhməramlı qüvvələrinin müşayiəti ilə hərəkət edən yunan kiprli yanğınsöndürənin Çayhan Düzü ərazisinə qanunsuz daxil olması ilə bağlı etirazını bildirib. Nazirliyin yaydığı açıqlamaya görə, hadisə zamanı sözügedən şəxs ərazidə müəyyən edilərək saxlanılıb. Aparılan araşdırma nəticəsində onun Birləşmiş Millətlər Təşkilatının Kiprdəki Sülhməramlı Qüvvələri ilə birlikdə bufer zona daxilində həyata keçirilən fəaliyyət çərçivəsində bölgədə olduğu müəyyənləşdirilib. Lazımi xəbərdarlıqlardan sonra həmin şəxs sərbəst buraxılıb.

Türkiyənin xarici işlər naziri Hakan Fidan bildirib ki, İran və ABŞ qarşılıqlı hücumları dayandırmalı və sülh danışıqlarını bərpa etməlidir. Fidan bu çağırışı Sofiyada etdiyi çıxışda səsləndirib. Nazir vurğulayıb ki, davamlı münaqişə heç bir tərəfə fayda vermir və daha böyük gərginliyə yol aça bilər. Türkiyə həm Vaşinqton, həm Tehran, həm də vasitəçi ölkələrlə sıx əlaqə saxlayır. Fidan qeyd edib ki, tərəflər yekun sülh razılaşmasına nail olmaq üçün danışıqları davam etdirməlidirlər. O diplomatik səyləri artırmaq üçün çağırış edib. Nazir sülhün davam etdirilməsini region üçün vacib sayıb. Danışıqların yenidən başlanması gərginliyi azalda bilər.