BAKI, AzerVoice, Nailə Babazadə

Tesla Türkiyə, Model Y avtomobilləri üçün yenilənmiş qiymətləri və satış tarixlərini açıqlayıb.

AzerVoice xəbər verir ki, şirkətdən verilən rəsmi məlumata əsasən, 6 və 7 avqust tarixlərində saat 19:30-da yenilənmiş Model Y envanter siyahıları ictimaiyyətə təqdim olunacaq. Eyni zamanda, Tesla-nın onlayn sifariş sistemi də aktivləşdiriləcək.

Yeni sifariş prosesi ilə alıcılar yenilənmiş Xüsusi İstehlak Vergisi (ÖTV faizləri fonunda təyin olunmuş qiymətlərlə Model Y modellərini əldə edə biləcəklər.

Yaxın vaxtlarda Türkiyədə qüvvəyə minən Xüsusi İstehlak Vergisi (ÖTV) dəyişikliyi, Tesla-nın qiymət siyasətinə ciddi təsir göstərmişdi. Bu səbəbdən şirkət Model Y stoklarını müvəqqəti olaraq satışdan çıxarmışdı. Yeni qiymətlərin müəyyənləşməsindən sonra, rəsmi satış prosesi yenidən bərpa olunub.

Model Y Üçün Yenilənmiş Qiymətlər (TL ilə):

Model Y Standard Range (RWD): 2.241.000 TL

Model Y Long Range (RWD): 3.225.240 TL

Model Y Long Range (AWD): 3.998.400 TL

Qeyd edək ki, bu qiymətlər standart təchizat paketi üçün keçərlidir. Avtomobilin rəngi, jant dizaynı və digər opsional avadanlıqlar seçimindən asılı olaraq son qiymətlər dəyişə bilər.