BAKI, AzerVoice
Türkiyədə 4,3 bal gücündə zəlzələ baş verib.
AzerVoice xəbər verir ki, bu barədə Türkiyənin Fövqəladə Halların İdarəolunması Agentliyi (AFAD) məlumat yayıb.
Məlumata əsasən, zəlzələ Konya vilayətinin İlgin rayonunda yerli vaxtla saat 07:40 radələrində baş verib. Yeraltı təkanlar 15,6 kilometr dərinlikdə yerləşib.
Türkiyənin Daxili İşlər Naziri Ali Yerlikaya rəsmi sosial hesabında açıqlama yayıb. Nazir bildirib ki, təbii fəlakətə dərhal reaksiya verilib və sahə üzrə axtarışlar aparılır.