Bakı, AzerVoice:
Türkiyə Ordusu son bir həftədə İraq və Suriyanın şimalında 63 terrorist zərərsizləşdirilib.
AzerVoice xəbər verir ki, bu barədə Türkiyə Milli Müdafiə Nazirliyi mənbələri açıqlama verib.
"2023-cü il yanvarın 1-dən bu günə qədər zərərsizləşdirilən terrorçuların sayı 2 min 541-ə çatıb", - deyə məlumatda qeyd edilib.
Bundan əlavə, qeyri-qanuni yollarla Türkiyə sərhədinə keçməyə cəhd edən 188 nəfər saxlanılıb.
"Saxlanılan şəxslərdən altısı FETÖ, biri isə İŞİD terror təşkilatının üzvləri olub, nəticədə 2024-cü ilin əvvəlindən bu günə qədər Türkiyə sərhədlərini qeyri-qanuni keçməyə çalışarkən tutulanların sayı 686-ya çatıb", - deyə məlumatda bildirilib.
Qeyd edək ki, Türkiyədə 2023-cü ildə antiterror əməliyyatları çərçivəsində 923 terrorçu zərərsizləşdirilib.