Bakı. AzerVoice:
Türkiyə prezidenti Rəcəb Tayyib Ərdoğan 29 yanvar tarixində Gayrettepe-Kağıthane metro xəttinin açılışında iştirak edəcək.
AzerPress xəbər verir ki, bu barədə Türkiyənin nəqliyyat və infrastruktur naziri Abdulkadir Uraloğlu bildirib.
Uraloğlu onu da qeyd edib ki, Türkiyədə ilk dəfə olaraq bir metro layihəsində eyni vaxtda on tunel qazma maşını istifadə edilib.
"Gayrettepe-Kağıthane metro xəttinin 3,5 kilometr uzunluğundakı Gayrettepe-Kağıthane mərhələsində tamamlanan işlər ilə xəttin uzunluğu 37,5 kilometrə qədər artır. Türkiyənin ən sürətli, saatda 120 kilometr sürətə malik metro nəqliyyatı da bu xəttdə istifadə olunur. Bu layihədə, həmçinin, TÜBİTAK-ın ASELSAN ilə əməkdaşlıq etdiyi siqnalizasiya sistemindən istifadə edilib", - deyə o vurğulayıb.