Türkiyə Prezidenti Rəcəb Tayyib Ərdoğan hakim Ədalət və İnkişaf Partiyasının TBMM qrup toplantısında çıxış edərək ölkəsinin xarici siyasətinə və tarixi kimliyinə dair mesajlar verib. O, Türkiyənin regional məsuliyyət daşıyan dövlət olduğunu və yalnız öz sərhədləri ilə məhdudlaşmayacağını bildirib.

18 noyabr 2025-ci il tarixində Türk Mədəniyyəti və İrsi Fondunun prezidenti Aktotı Raimkulova Türk Akademiyasının 15-ci ildönümü münasibətilə Türkiyənin paytaxtı Ankarada keçirilən tədbirdə iştirak edib. Tədbirdə çıxış edən Fondun prezidenti Aktotı xanım Raimkulova Türk Akademiyasının fəaliyyətini yüksək qiymətləndirərək qeyd edib ki, ötən 15 il ərzində Akademiya Türk dünyasının tarixi, dili, mədəniyyəti və mənəvi irsinin araşdırılmasını prioritetə çevirərək, bu sahədə aparıcı elmi mərkəzlərdən birinə çevrilmişdir.

Türkiyənin xarici işlər naziri Hakan Fidan bildirib ki, Ankara Ermənistanla münasibətlərin normallaşdırılması məsələsində siyasətini dəfələrlə elan edib və bu mövqeyə sadiqdir. Onun sözlərinə görə, Azərbaycan və Ermənistan arasında yekun sülh sazişi imzalandığı zaman Türkiyə Ermənistanla normallaşmaya başlamağa hazır olacaq. Fidan qeyd edib ki, Ermənistanın bölgədə sülhə bu qədər maraqlı olmasının əsas səbəbi Türkiyənin münasibətləri normallaşdırmağa hazır olduğunu görməsidir.

Türkiyə Milli Müdafiə Naziri Yaşar Güler, rəsmi səfərdə Ankarada olan Qazaxıstan Müdafiə Naziri Dauren Kosanov ilə bir araya gəldi. Nazir Güler, Qazaxıstanlı həmkarını bakanlıqda rəsmi mərasimlə qarşıladı. Görüşdə iki ölkənin milli marşları səsləndirildi və Kosanov onur dəstəsini salamladı. Rəsmi mərasimin ardından Türkiyə və Qazaxıstan müdafiə nazirləri mətbuata qapalı olaraq danışıqlar apardılar.

Türkiyənin Milli Müdafiə naziri Yaşar Gülər, Gürcüstanda baş verən və 20 türk hərbçisinin şəhid olması ilə nəticələnən C-130 tipli hərbi təyyarə qəzasına dair aparılan araşdırmaların son vəziyyəti barədə məlumat verib. Nazir qara qutunun hazırda TUSAŞ tərəfindən araşdırıldığını və ilkin nəticələrin əldə olunmasının ən azı iki ay çəkəcəyini açıqlayıb.

Türkiyə prezidenti Rəcəb Tayyib Ərdoğanın sədrliyi ilə Nazirlər Kabinetinin iclası bu gün Ankara Beştepedə keçirilib. Toplantının əsas gündəmində Gürcüstan–Azərbaycan sərhədində baş verən hərbi təyyarə qəzası, “Terrorsuz Türkiyə” strategiyası, iqtisadi proseslər və regional gərginliklər yer alıb.

15 noyabr 2025-ci il tarixində Polşaya rəsmi səfəri çərçivəsində Türk Mədəniyyəti və İrsi Fondunun prezidenti Aktotı Raimkulova Radio Wnet-ə geniş müsahibə verib. Xanım A.Raimkulova xatırladıb ki, Fond 2012-ci ildə Azərbaycanın Prezidentinin təşəbbüsü və Qazaxıstan, Qırğızıstan və Türkiyə dövlət başçılarının dəstəyi ilə yaradılıb. O, mədəni diplomatiyanın əhəmiyyətini vurğulayaraq bildirib ki, Fond Polşa, Litva və Rumıniya kimi ölkələrdə yaşayan Türk icmaların irsinin araşdırılması və qorunmasına xüsusi önəm verir. Səfəri çərçivəsində Fond rəhbəri məhsuldar görüşlərin keçirildiyi Belostok şəhərini də ziyarət edib.

13–14 noyabr 2025-ci il tarixlərində Türk Mədəniyyəti və İrsi Fondunun prezidenti Aktotı Raimkulovanın Polşaya rəsmi səfəri çərçivəsində Avropada türk mədəni irsinin təbliği və akademik əməkdaşlığın inkişafına yönəlmiş bir sıra əhəmiyyətli tədbirlər həyata keçirilib. Beynəlxalq Türkologiya Konfransının açılış mərasimi

İsrailin ABŞ-dakı səfiri Yexiel Leiter Türkiyənin F-35 döyüş təyyarələri tədarükü məsələsində İsrailin mövqeyini açıqlayaraq, ölkəsinin bu mövzuda qətiyyətli olduğunu bildirib. Leiter Türkiyənin strateji əhəmiyyətini və NATO üzvü olaraq güclü orduya malik olduğunu tanıdığını vurğulayıb, lakin İsrailin Türkiyənin ABŞ-dan F-35 almasını istəmədiyini qeyd edib.

Fidan, Kipr türk xalqının böyük fədakarlıqlar və çətin mübarizələr nəticəsində qurduğu KKTC-nin ildönümünü təbrik edib və Kipr məsələsinin ada reallıqları əsasında ədalətli, davamlı və uzunmüddətli həllinin vacibliyini qeyd edib. Onun sözlərinə görə, Kiprdə həll yolu adada iki dövlətin yanaşı şəkildə mövcudluğundan keçir. Bu prosesin irəliləməsi üçün Kipr türklərinin suveren bərabərlik və bərabər beynəlxalq status kimi əsas hüquqlarının tanınması zəruridir.

Türkiyənin də aralarında olduğu 9 ölkə, hazırda BMT Təhlükəsizlik Şurasının gündəmində müzakirə edilən Qəzza ilə bağlı qətnaməyə birgə dəstək açıqlayıb. Türkiyə, ABŞ, Qətər, Misir, Birləşmiş Ərəb Əmirlikləri, Səudiyyə Ərəbistanı, İndoneziya, Pakistan və İordaniyanın BMT-dəki daimi nümayəndəlikləri Qəzza qətnaməsi ilə bağlı ortaq bəyanat yayıb.

Türkiyənin milli futbol komandası 2026 FIFA Dünya Kubokunun Avropa seçmə mərhələsi çərçivəsində E qrupunun beşinci oyununda Bursada Bolqarıstan yığmasına qarşı meydana çıxacaq. Görüş Atatürk İdman Kompleksi Matlı Stadionunda keçiriləcək və saat 21:00-da start götürəcək. Oyun TV8 telekanalı ilə canlı yayımlanacaq.