Türkiyə Prezidenti Rəcəb Tayyib Ərdoğan bazar ertəsi, noyabrın 24-də Rusiya Prezidenti Vladimir Putinlə telefon danışığı planlaşdırıldığını açıqlayıb. Yohannesburqda keçirilən G20 sammitindən sonra keçirilən mətbuat konfransında çıxış edən Türkiyə lideri Ukrayna Prezidenti Volodimir Zelenskinin bu yaxınlarda Ankaraya səfər etdiyini xatırladıb.

İranın şimalında, UNESCO-nun Dünya İrsi Siyahısına daxil edilmiş Hirkan meşələrində bir neçə gündür davam edən genişmiqyaslı yanğın nəzarətdən çıxıb. Rəsmi məlumatlara görə, yanğın noyabrın əvvəlində söndürülmüşdü, lakin 15 noyabrda yenidən alovlanaraq sürətlə genişlənib. Yanğının Mazandaran vilayətinin Elit qayalıq ərazisində ovçular tərəfindən törədildiyi iddia olunur.

G20 daha çox məsuliyyət üzərinə götürməlidir. Bu sözləri Türkiyə Prezidenti Rəcəb Tayyib Ərdoğan G20 Liderlər Zirvəsi çərçivəsində keçirilən sessiyada çıxış edərəkən bildirib. Ərdoğan, 2030 Davamlı İnkişaf Məqsədlərinə baxmayaraq, dünyada hər 10 nəfərdən birinin hələ də həddindən artıq yoxsulluqla üzləşdiyini vurğulayıb. O, qlobal inkişaf yardımlarında yaşanan azalmaya diqqət çəkərək bildirib ki, 2024-cü ildə 9 faiz azalan beynəlxalq inkişaf yardımlarının 2025-ci ildə 17 faizə qədər düşəcəyi gözlənilir. Bu azalmanın xüsusilə Afrika üçün ciddi itkilərə səbəb olacağı qeyd olunub.

Bu fikirləri Siyasi ekspert Şəhla Cəlilzadə bildirib

Bu il Cənubi Afrikanın ev sahibliyi etdiyi G20 Liderlər Zirvəsi, “Dayanıqlılıq, Bərabərlik, Davamlılıq” əsas mövzusu ilə start götürdü. Zirvə, Johannesburg EXPO Mərkəzində keçirilən rəsmi qarşılanma mərasimi ilə açılıb. Ərdoğan sabah zirvə çərçivəsində iki ayrı iclasa qatılacaq, ikitərəfli görüşlər keçirəcək və liderlər şərəfinə verilən rəsmi naharda iştirak edəcək.

Maliyyə Cinayətlərini Araşdırma İdarəsi (MASAK) Əkrəm İmamoğlunun oğlu Səlim İmamoğlunun Xorvatiyada təsis etdiyi Tectum Investment D.O.O. şirkətindəki maliyyə əməliyyatlarını araşdırıb və ciddi uyğunsuzluqlar aşkar edib. MASAK-ın 4 may 2025-ci il tarixli hesabatına görə, Səlim İmamoğlu 2023–2025-ci illər arasında şirkətə 7 ayrı transferlə ümumilikdə 388 min 63 avro göndərib.

Bakıda keçirilən “Dialoqun, əməkdaşlığın və regional həmrəyliyin təşviq edilməsi” mövzusunda D-8 Media Forumunda üzv dövlətlər arasında media sahəsində birgə inkişaf və əməkdaşlıq ilə bağlı Bakı Bəyannaməsi imzalanıb.

Forumun məqsədi türk dünyasının dekorativ-tətbiqi sənəti sahəsində yeni ideya və yaradıcı təşəbbüsləri dəstəkləyən müasir bir platforma formalaşdırmaq, zəngin mədəni irsi geniş şəkildə təbliğ etmək və gənclərin türk mədəniyyətinə marağını artırmaqdan ibarətdir.

Azərbaycan 2025-ci ilin sentyabr ayında Türkiyənin üç ən böyük təbii qaz tədarükçüsü sırasında mövqeyini qoruyub saxlayıb. Hesabat dövründə Türkiyə Azərbaycandan 958,25 milyon kubmetr təbii qaz idxal edib ki, bu da 2024-cü ilin sentyabr ayı ilə müqayisədə 7,44 faiz azdır. Bununla belə, Azərbaycan Türkiyəyə boru kəməri ilə qaz tədarük edən ölkələr arasında ikinci yeri tutub və aylıq tədarük həcminə görə İran İslam Respublikasını qabaqlayaraq yalnız Rusiya Federasiyasından geri qalıb.

Noyabrın 20-də Türk Dövlətləri Təşkilatına (TDT) üzv dövlətlərin ədliyyə nazirləri Bakıda keçirilən toplantı çərçivəsində bir araya gəliblər. Bu barədə Ədliyyə Nazirliyi məlumat yayıb. Bildirilib ki, əvvəlcə qonaqlar Fəxri xiyabanda Ulu Öndərin məzarını ziyarət edib, Şəhidlər xiyabanında və Zəfər parkında olub, şəhidlərimizin xatirəsini anıblar. Azərbaycan Respublikasının ədliyyə naziri Fərid Əhmədovun sədrliyi ilə baş tutan iclasda Türkiyə Respublikasının ədliyyə naziri Yılmaz Tunç, Özbəkistan Respublikasının ədliyyə naziri Əkbər Taşkulov, Qazaxıstan Respublikasının ədliyyə naziri Yerlan Sarsembayev, Qırğız Respublikasının ədliyyə nazirinin müavini İsgəndər Sıdıqalıyev və TDT-nin Baş katibi Kubanıçbek Ömüralıyev iştirak ediblər.

Türkiyə Prezidenti Rəcəb Tayyib Ərdoğan 22–23 noyabr tarixlərində Yohannesburqda keçiriləcək 20-ci G20 Liderlər Zirvəsində iştirak etmək üçün Cənubi Afrika Respublikasına səfər edəcək. Məlumatı Prezident Administrasiyasının Kommunikasiya Başçısı Burhaneddin Duran sosial media hesabında açıqlayıb. Prezidentin səfər çərçivəsində Cənubi Afrika Prezidenti Cyril Ramaphosa başda olmaqla, G20 liderləri və beynəlxalq təşkilatların nümayəndələri ilə görüşlər keçirməsi gözlənilir.

Türkiyənin 81 vilayətində miqrant qaçaqmalçılığı və qeyri-qanuni miqrasiyaya qarşı keçirilən genişmiqyaslı əməliyyatlar nəticəsində 9-u xarici vətəndaş olmaqla 29 təşkilatçı saxlanılıb. Yoxlamalar zamanı 434 min 295 nəfərin kimlik məlumatları yoxlanılıb və 687 qeyri-qanuni miqrant müəyyən edilərək tutulub. Miqrasiya İdarəsinin koordinasiyası ilə Polis İdarəsinin Miqrant Qaçaqmalçılığı ilə Mübarizə Baş İdarəsi, Sərhəd Xidmətinin Miqrant Qaçaqmalçılığı və İnsan Alveri ilə Mübarizə Baş İdarəsi və Sahil Mühafizəsi Komandanlığı tərəfindən ictimai əyləncə məkanları, yük maşını qarajları, avtobus terminalları, limanlar və ictimai nəqliyyat dayanacaqlarında geniş yoxlamalar aparılıb. Ümumilikdə 15 min 334 obyekt nəzarət altına alınıb.