Səudiyyə Ərəbistanında gecə saatlarında ölkənin şərq bölgəsini hədəf alan 27 pilotsuz uçuş aparatı (PUA) hava hücumundan müdafiə sistemləri tərəfindən zərərsizləşdirilib. Bundan əvvəl yayılan açıqlamada isə ölkənin şərq istiqamətinə yönəlmiş bir ballistik raketin də hava müdafiə sistemləri tərəfindən məhv edildiyi bildirilmişdi.

Səudiyyə Ərəbistanının Müdafiə Nazirliyi ölkə ərazisini hədəf alan 39 İran pilotsuz uçuş aparatının məhv edildiyini açıqlayıb. Rəsmi açıqlamada qeyd olunub ki, pilotsuz aparatların ölkə ərazisinə çatmasının qarşısı alınıb və təhlükəsizlik tədbirləri gücləndirilib.

Bəhreyn Daxili İşlər Nazirliyi İrandan təşkil edilən pilotsuz uçuş aparatı (PUA) hücumu nəticəsində bir şirkətə məxsus obyektdə yanğın baş verdiyini açıqlayıb. Nazirlikdən edilən yazılı bəyanatda mülki müdafiə qruplarının dərhal hadisə yerinə cəlb olunduğu, yanğının nəzarətə alınaraq söndürüldü bildirilib. PUA hücumunun hansı şəhərdə baş verdiyi və hadisənin digər təfərrüatları barədə hələlik rəsmi məlumat paylaşılmayıb.

İraqın paytaxtı Bağdadda Mərakeş Səfirliyinin yaxınlığına pilotsuz uçuş aparatı (PUA) düşüb. Bölgədəki Anadolu Agentiliyi müxbiri Bağdadın Mənsur rayonunda yerləşən Mərakeş Səfirliyi yaxınlığında PUA-nın düşməsi nəticəsində ərazidən tüstü yüksəldiyini bildirib. Hücumun kim tərəfindən həyata keçirildiyi hələlik məlum deyil. İraq rəsmiləri hadisə ilə bağlı hələ ki rəsmi açıqlama verməyiblər.

Səudiyyə Ərəbistanının Müdafiə Nazirliyi cümə günü səhər saatlarından etibarən 26 pilotsuz uçuş aparatının (PUA) qarşısının alındığını və məhv edildiyini təsdiqləyib. Eyni zamanda Küveyt və Birləşmiş Ərəb Əmirlikləri (BƏƏ) hakimiyyət orqanları da raket və PUA təhdidləri ilə mübarizə apardıqlarını bildiriblər. Küveyt Neft Korporasiyasının "Mina Əl-Əhmədi" limanındakı neft emalı zavodu yenidən İranın PUA hücumlarına məruz qalıb və nəticədə müəssisənin bir neçə bölməsində yanğın baş verib.

Birləşmiş Ərəb Əmirlikləri (BƏƏ) rəsmi xəbər agentliyinin məlumatına görə, dövlət ehtiyat tədbiri olaraq ölkənin hava məkanını müvəqqəti olaraq bağlayıb. VOA xəbər verir ki,BƏƏ Müdafiə Nazirliyi bəyanat yayaraq bildirib ki, hazırda ölkənin hava hücumundan müdafiə sistemləri İrandan gələn raket təhdidləri və pilotsuz uçuş aparatlarına (PUA) qarşı əməliyyat keçirir. Bu fövqəladə addım regionda hərbi gərginliyin artması fonunda atılıb.

İranın İnqilab Keşikçiləri Korpusu (SEPAH) ötən gecədən etibarən ölkənin hava məkanında kəşfiyyat uçuşları həyata keçirən İsrailə məxsus iki müasir pilotsuz uçuş aparatının (PUA) zərərsizləşdirildiyini açıqlayıb. Yarı-rəsmi "Fars" xəbər agentliyinin məlumatına görə, PUA-lardan biri paytaxt Tehran, digəri isə Buşəhr əyalətinin Cem şəhəri səmasında ölkənin hava hücumundan müdafiə sistemləri tərəfindən hədəfə alınıb. Vurulan aparatlardan birinin İsrail istehsalı olan "Hermes", digərinin isə "Heron" tipli olduğu bildirilir.

Ömər Çelik bildirib ki, Türkiyənin pilotsuz uçuş aparatları və süni intellekt sahəsində imkanlarını inkişaf etdirməsi dövlətin təhlükəsizliyi və gələcəyi baxımından zəruridir. Çelik bildirib ki, dünyanın hazırda keçdiyi mürəkkəb dövrdə və beynəlxalq qurumların təsirinin zəiflədiyi bir zamanda Türkiyənin öz imkan və qabiliyyətlərini artırması həyati əhəmiyyət daşıyır.

Birləşmiş Ərəb Əmirliklərinin strateji əhəmiyyətli Fuceyra limanı pilotsuz uçuş aparatlarının (PUA) hədəfinə çevrilib. "Bloomberg"in yaydığı məlumata görə, hücum nəticəsində limandakı neft anbarlarında güclü yanğın başlayıb. Hadisə yerindən çəkilən görüntülərdə limandan qatı tüstü buludlarının yüksəldiyi müşahidə olunur. Yanğın və təhlükəsizlik riskləri səbəbindən limandakı bəzi neft yükləmə əməliyyatlarının və digər fəaliyyətlərin müvəqqəti olaraq dayandırıldığı bildirilir.

Səudiyyə Ərəbistanının Hava Hücumundan Müdafiə qüvvələri son 24 saat ərzində Krallığın müxtəlif strateji hədəflərinə yönəlmiş 20 pilotsuz uçuş aparatı (PUA) və bir ballistik raketi zərərsizləşdirib. Müdafiə Nazirliyinin məlumatına görə, cümə günü axşam saatlarından başlayan hücum dalğası ölkənin Şərq vilayəti, Rub-əl-Xali səhrası və şimaldakı Əl-Cof bölgəsini əhal edib. Paytaxt Riyad yaxınlığındakı Şahzadə Sultan Hava Bazasına atılan ballistik raket isə hədəfə çatmadan vurulub.

Bəhreyn ordusu fevralın 28-dən bəri davam edən regional gərginlik çərçivəsində İran tərəfindən ölkə ərazisinə yönələn hava hücumlarının statistikasını paylaşıb. Rəsmi "X" platformasında yayımlanan bəyanata əsasən, Krallığın hava hücumundan müdafiə sistemləri indiyədək İrandan atılan 115 raket və 191 pilotsuz uçuş aparatını (PUA) uğurla zərərsizləşdirib. Ordu rəhbərliyi qeyd edib ki, ballistik raketlər və dronlar vasitəsilə mülki əhalinin və şəxsi mülkiyyətin hədəf alınması beynəlxalq humanitar hüquq normalarının kobud şəkildə pozulmasıdır.

Səudiyyə Ərəbistanının hava hücumundan müdafiə qüvvələri cümə günü gecə saatlarında ölkənin mərkəzi və şərq bölgələrini, o cümlədən paytaxt Riyaddakı Diplomatik Məhəlləni və strateji əhəmiyyətli Şeybah neft yatağını hədəf alan pilotsuz uçuş aparatlarını (PUA) zərərsizləşdirib. Müdafiə Nazirliyinin rəsmi "X" platformasında verdiyi məlumata görə, Riyadın diplomatik korpusunun yerləşdiyi zonaya yaxınlaşmağa cəhd edən bir PUA vurulub, daha iki pilotsuz aparat isə Əl-Xarc bölgəsində aşkar edilərək məhv edilib.