ABŞ Prezidenti Donald Tramp, nümayəndə heyətinin Pakistan səfərini son anda ləğv etməsinin regionda hərbi əməliyyatların yenidən başlayacağı mənasına gəlmədiyini bəyan edib. "Axios" xəbər portalına açıqlama verən Tramp, "Xeyr, bu, elə bir şey demək deyil. Hələ ki, müharibənin yenidən başlamasını düşünməmişik" deyərək gərginliyi müəyyən qədər səngidib.

İran Prezidenti Məsud Pezeşkian şənbə günü dövlət televiziyası vasitəsilə xalqa müraciət edərək, ölkənin enerji təhlükəsizliyini qorumaq üçün elektrik enerjisindən qənaətlə istifadə etməyə çağırıb. Dövlət başçısı vurğulayıb ki, hazırda ölkədə enerji çatışmazlığı qeydə alınmasa da, ABŞ və İsrailin əsas məqsədi İranın mühüm infrastruktur obyektlərinə zərbələr endirmək və blokada tətbiq etməklə əhali arasında süni narazılıq yaratmaqdır.

ABŞ mediası Trampın Kuşner və Vitkoffun Pakistana səfərini ləğv etdiyini bildirib.

İran siyasi gündəmi son günlərdə ziddiyyətli məlumatlarla diqqət çəkir.

İranın xarici işlər naziri Abbas Əraqçi şənbə günü İslamabadda keçirilən görüşlərdə ölkəsinin tələblərini və ABŞ-ın mövqeyi ilə bağlı çətinlikləri ortaya qoyub. Pakistanın paytaxtı minlərlə insanın ölümünə və qlobal bazarlarda ciddi gərginliyə səbəb olan müharibəni dayandırmaq üçün yeni bir diplomatik mərkəzə çevrilib.

İran Xarici İşlər Nazirliyinin sözçüsü İsmayıl Bəqayi, nazir Abbas Əraqçinin Pakistan, Oman və Rusiyanı əhatə edəcək səfəri çərçivəsində ABŞ və İsrailin İrana dayatdığı müharibənin dayandırılması istiqamətindəki səylərin qiymətləndiriləcəyini bildirib.

İranın xarici işlər naziri Abbas Əraqçi bu gün başlayacaq Pakistan, Oman və Rusiya turunun ikitərəfli məsələlərdə sıx koordinasiyanı təmin etmək və regional proseslərə dair məsləhətləşmələr aparmaq məqsədi daşıdığını bildirib. Əraqçi "X" sosial media platformasındakı hesabından paylaşdığı mesajında İslamabad, Maskat və Moskvaya səfər edəcəyini elan edib. Nazir qeyd edib: "Səfərlərimin məqsədi tərəfdaşlarımızla ikitərəfli mövzularda yaxın koordinasiya yaratmaq və regional hadisələri müzakirə etməkdir. Qonşularımız bizim prioritetimizdir".

NATO-nun təsis müqaviləsində üzv ölkələrin üzvlüyünün dayandırılması və ya ittifaqdan çıxarılması ilə bağlı hər hansı bir bəndin olmadığı bildirilib. Bir NATO rəsmisi, beynəlxalq mətbuatda ABŞ Müdafiə Nazirliyinə məxsus daxili elektron poçtda ABŞ-ın İrana qarşı hücumlarda və Hörmüz boğazındakı əməliyyatlarda ona dəstək verməyən NATO müttəfiqlərini cəzalandırmaq üçün müəyyən ssenarilər üzərində işlədiyinə dair yayılan xəbərlərlə bağlı AA müxbirinə açıqlama verib.

Ukrayna Prezidenti Volodimir Zelenski bir ay ərzində ikinci dəfə Səudiyyə Ərəbistanına rəsmi səfər edib. Zelenski ABŞ-da yerləşən "X" şirkətinin sosial media platformasındakı hesabından etdiyi açıqlamada, Səudiyyə Ərəbistanına "anlaşmaları inkişaf etdirmək" üçün gəldiyini duyurub. Avropalı liderlərlə dünən keçirdiyi görüşdə ölkəsi üçün "maliyyə zəmanətləri təmin etdiklərini" bildirən Zelenski, Səudiyyə Ərəbistanında Vəliəhd Şahzadə Məhəmməd bin Salman ilə görüşəcəyini açıqlayıb.

Avropa İttifaqı İranla bağlı danışıqların nəticələrinin riskli ola biləcəyi barədə xəbərdarlıq edib. Kaya Kallas ABŞ və İran arasında aparılan danışıqlarda nüvə sahəsi üzrə ixtisaslaşmış ekspertlərin iştirak etməməsinin gələcək razılaşmanı zəiflədə biləcəyini bildirib

1980-ci il aprelin 24-də ABŞ ordusunun Tehrandakı səfirlikdə girov saxlanılan əlli iki amerikalını xilas etmək üçün başlatdığı Qartal Pəncəsi əməliyyatı faciəvi şəkildə sona çatıb. Girov böhranının altıncı ayında diplomatik yolların tükənməsindən sonra Prezident Cimmi Karterin əmri ilə həyata keçirilən bu gizli hərbi missiya heç bir girov azad edilmədən səkkiz hərbçinin ölümü ilə nəticələnib. Əməliyyat planına görə helikopterlər və nəqliyyat təyyarələri İran səhrasında Səhra bir adlanan müvəqqəti bazada görüşməli idi.

Amerika Birləşmiş Ştatlarının Prezidenti Donald Tramp İranla davam edən gərginlik fonunda hər hansı bir təzyiq altında olmadığını və zamanın Tehran rəhbərliyinin əleyhinə işlədiyini vurğulayıb. Çatışmaları dərhal bitirmək yönündəki gözləntiləri rədd edən Tramp bu prosesdə özünü ən rahat və qətiyyətli tərəf kimi təqdim edib. O İranın hərbi baxımdan ağır zərbələr aldığını iddia edərək Tehranın dəniz və hava qüvvələrinin demək olar ki tamamilə sıradan çıxarıldığını irəli sürüb.