Azərbaycanın paytaxtı aprel ayında növbəti möhtəşəm avtomobil tədbirinə ev sahibliyi etməyə hazırlaşır. 10-12 aprel tarixlərində "Park Bulvar" ticarət mərkəzində Azərbaycan Avtomobil Dilerləri Assosiasiyasının (AADA) təşkilatçılığı ilə "Yaponiya Avtomobilləri Festivalı" baş tutacaq.

Kiberbullinq — müasir dövrdə rəqəmsal texnologiyaların, internetin və mobil rabitə vasitələrinin imkanlarından istifadə edilməklə həyata keçirilən sistematik zorakılıq növüdür. Bu hadisə hədəfə alınan şəxsi qorxutmaq, qəzəbləndirmək, ictimaiyyət qarşısında utandırmaq və ya onun mənəvi nüfuzuna xələl gətirmək məqsədi daşıyır. Texnologiya inkişaf etdikcə bu növ davranışlar sosial mediada, mesajlaşma tətbiqlərində, onlayn oyun platformalarında və mobil telefonlarda daha geniş yayılmağa başlamışdır.

“Facebook” sosial şəbəkə platformasındakı bir sıra hesablarda Azərbaycan Respublikasının Prezidentinin adından “deepfake” texnologiyası ilə hazırlanmış, reallığı əks etdirməyən açıqlama yayılıb. Bu barədə Medianın İnkişafı Agentliyinin (MEDİA) məlumatında bildirilib. Bildirilir ki, süni intellektin köməyi ilə hazırlanmış, ictimai rəyi çaşdırmağa yönələn bu dezinformasiya nümunəsi vətəndaşların fərdi məlumatlarını ələ keçirərək onlara maddi ziyan vurmaq məqsədi daşıyır.

Tunis İnsan Haqları Liqasının rəhbəri və bir vəkilin verdiyi məlumata görə, bu gün-cümə günü bir tunisli hakim Facebook-da paylaşdığı yazılara görə prezidentə təhqir və dövlətin təhlükəsizliyinə zərər vurmaq ittihamı ilə bir nəfər barəsində edam hökmü çıxarıb. AzerVoice xəbər verir ki, bu hökm geniş tənqidlərə səbəb olub.

Suriyada Xalq Məclisi üzrə Yüksək Seçki Komissiyası Xalq Məclisinə üzvlük seçkilərinin 5 oktyabr bazar günü keçiriləcəyini elan edib. Komissiyanın ABŞ mərkəzli Meta şirkətinə məxsus Facebook platformasındakı hesabında yayımlanan açıqlamada, seçki tarixinin hicri təqvimə görə 1447-ci ilin Rəbiül-axır ayının 13-nə, miladi təqvimə görə isə 2025-ci il 5 oktyabr tarixinə təsadüf edəcəyi bildirilib.

Qazaxıstanın Azərbaycandakı səfiri Alim Bayel Peyğmbərin mövlüdü ilə paylaşım edib. “Bu həftə Peyğəmbərimiz Məhəmmədin (s.ə.s.) mövlud günüdür. Bu ilin mövludunun özəlliyi ondadır ki, bəzi hesablamalara görə RəsulAllah hicrətdən bəri 1500 ilə çatmışdır...Dünyanın müharibələrlə və şər ilə, qəddarlıq və iztirablarla, yalan və azğınlıqlarla dolu olduğu bir zamanda biz həsrət, minnətdarlıq və ümidlə bizi Allahın doğru yoluna yönəldən Rəsulu xatırlayırıq. Allah Öz sevimli bəndəsini yaxınları ilə Cənnətdə birləşdirsin və bizi də onların sırasında etsin... Rəhman olan Allahın mərhəməti göz yaşları və uşaqların fəryadı ilə iztirab çəkən bu bəşəriyyəti şəfa tapsın və bütün uşaqlara xoşbəxtlik bəxş etsin...Ey Allahım, Məhəmmədə və Onun bütün ailəsinə salavat və bərəkət olsun.”-deyə səfir yazıb.

Bu ilin iyul ayında Azərbaycan istifadəçilərinin "İnstagram" sosial şəbəkəsində fəallığı əvvəlki ayla müqayisədə 1,94 faiz bəndi artaraq, 34,01 faiz təşkil edib.

Meta ABŞ-da süni intellekt məlumat mərkəzlərinə yüz milyardlarla dollar sərmayə qoyacaq.