ABŞ-ın gecə hücumları İranın Hörmüzqan vilayətində rabitə infrastrukturuna ziyan vurub. İran rəsmiləri 116 telekommunikasiya qülləsinin fəaliyyətdən dayandığını bildiriblər. Hücumların Bəndər-Abbas və Hacıabad şəhərlərində rabitəni pozduğu qeyd olunur. Bəzi ərazilərdə sabit telefon xidmətində fasilələr yaranıb. Mobil rabitə və internet bağlantısında da problemlər müşahidə edilir. Xidmətlərin nə vaxt tam bərpa ediləcəyi açıqlanmayıb. Hörmüzqan İranın strateji liman və enerji bölgələrindən biridir. ABŞ tərəfi yayılan məlumatlara hələlik münasibət bildirməyib.

Venesuelada baş vermiş güclü zəlzələlərin nəticələri ölkənin bir çox bölgəsində həyatın normal axarını pozmağa davam edir. Sərhədsiz Həkimlər təşkilatı bildirir ki, mobil rabitə və internet xidmətlərinin olmaması humanitar yardımın əlaqələndirilməsini çətinləşdirir. Ən ağır vəziyyət La Quayra şəhərində müşahidə olunur. Burada bəzi yaşayış məntəqələri hələ də elektrik enerjisiz qalıb. Yerli hakimiyyət orqanları evlərini itirmiş insanların yerləşdirilməsi üçün idman komplekslərini müvəqqəti sığınacaqlara çevirirlər. Minlərlə insan təhlükəsizlik səbəbindən gecəni küçələrdə və meydanlarda keçirib. Onların bir hissəsi evlərinin dağılması, digərləri isə binaların qəzalı vəziyyətdə olması səbəbindən geri qayıda bilmir. Humanitar təşkilatlar zərərçəkənlərin əsas ehtiyaclarının qarşılanması üçün yardım əməliyyatlarını davam etdirirlər.

ABŞ Dövlət Katibi Marko Rubio Venesuelada zəlzələlər nəticəsində yaranmış vəziyyətin daha dəqiq qiymətləndirilməsi üçün növbəti 48 saat ərzində yerində müşahidələr aparılacağını bildirib. Rubio deyib ki, bu mərhələdə Venesuelanın həm dərhal, həm də uzunmüddətli ehtiyacları müəyyən ediləcək və ABŞ Venesuelaya internet və telekommunikasiya xidmətlərini bərpa etməkdə kömək göstərməyə çalışacaq.

Dekabr ayının sonlarında başlayan etiraz aksiyaları cümə axşamı etibarilə İranın 31 əyalətinin hamısına yayılıb. Paytaxt Tehranla yanaşı, Kirmanşah, Abadan, Təbriz və Şiraz kimi böyük şəhərlərdə minlərlə insan küçələrə çıxıb. Norveç mərkəzli İran İnsan Haqları (IHR) təşkilatı etirazların başladığı gündən bəri təhlükəsizlik qüvvələri tərəfindən azı 45 etirazçının, o cümlədən 8 uşağın öldürüldüyünü açıqlayıb.

Yaponiyanın Milli İnformasiya və Kommunikasiya Texnologiyaları İnstitutu (NICT) və Sumitomo Electric Industries-in mütəxəssisləri internet texnologiyasında dünya rekordu qıraraq saniyədə 1,02 petabit ötürmə sürətinə nail olublar.

Türk Hava Yolları "Avropanın Ən Yaxşı Uçuşda Wi-Fi Xidməti" mükafatını qazanaraq Türkiyə adına bu sahədə ilk beynəlxalq uğura imza atıb.

İran daxilində internet bağlantısı demək olar ki, tamamilə kəsilib.

İnternetsiz həyat daha cəlbedici görünür - Gənclərin yarısı keçmişə qayıtmaq istəyir.

15-21 yaş qrupundakı gənclər gündə orta hesabla 4,5 saatını internetdə keçirir.