Pakistan rəhbərliyi ABŞ və İran arasında vasitəçilik missiyasını xilas etmək üçün son 24 saat ərzində diplomatik səylərini maksimum həddə çatdırıb. Məqsəd danışıqların planlaşdırıldığı kimi sabah, çərşənbə axşamı bərpa olunmasını təmin etməkdir. İslamabad həm Vaşinqton, həm də Tehran ilə təmaslarını intensivləşdirib. Pakistan tərəfi danışıqlar masasının dağılmaması üçün tərəflər arasında sabir diplomatiya həyata keçirir. "Reuters" agentliyi Pakistanın təhlükəsizlik mənbələrinə istinadən xəbər verir ki, Pakistan Ordu Komandanı, general Asim Münir ABŞ Prezidenti Donald Tramp ilə telefon danışığı aparıb. General Münir Trampa bildirib ki, Hörmüz boğazının mühasirədə qalması danışıqların qarşısında duran ən böyük maneədir. Mənbənin bildirdiyinə görə, Donald Tramp bu məsələyə yenidən baxacağına dair vəd verib.

Pakistanın ordu komandanı Tehranda İran rəsmiləri ilə görüşərək ABŞ və İran arasında danışıqların yenidən başlanmasına nail olmaq üçün vasitəçilik səylərini davam etdirir. Qeyd olunub ki, Vaşinqton İran üzərinə iqtisadi təzyiqi artırmaq niyyətindədir və yeni sanksiyalar tətbiq etməyi planlaşdırır. Bu addım ABŞ rəsmiləri tərəfindən “maliyyə baxımından bombardman ekvivalenti” kimi qiymətləndirilir.

İranın paytaxt Tehrana gələn Pakistanın Baş Qərargah rəisi marşal Asim Munirin rəhbərlik etdiyi yüksək rütbəli nümayəndə heyəti ilə keçiriləcək görüşdən sonra ABŞ ilə müzakirələrin növbəti mərhələsi barədə qərar verəcəyi elan edilib. İranın "Tasnim" xəbər agentliyinin yüksək rütbəli rəsmi mənbəyə istinadən yaydığı məlumatda bildirilir ki, Tehran administrasiyası Pakistan heyəti ilə danışıqlar apardıqdan sonra lazımi təhlilləri tamamlayacaq və Vaşinqtonla diplomatik prosesin davam etdirilməsi ilə bağlı yekun mövqeyini müəyyənləşdirəcək.

Səudiyyə Ərəbistanı Pakistanın maliyyə sabitliyini dəstəkləmək üçün yeni qərar qəbul edib. Məlumata əsasən, bu vəsait Birləşmiş Ərəb Əmirliklərinə olan böyük həcmli borc ödənişləri fonunda Pakistanın maliyyə yükünü azaltmağa yönəlib. Qeyd olunub ki, Səudiyyə Ərəbistanı eyni zamanda Pakistan Mərkəzi Bankında yerləşdirilmiş 5 milyard dollarlıq depozitin müddətini də uzadıb.

ABŞ və İran arasında diplomatik təmasların bərpası gözlənilir. Məlumata əsasən, görüşdə iki ölkə arasında mövcud gərginliyin azaldılması və mümkün razılaşmaların müzakirəsi nəzərdə tutulur. Qeyd olunub ki, əvvəlki danışıqlar nəticəsiz başa çatsa da, tərəflər diplomatik prosesin davam etdirilməsində maraqlıdır

“Associated Press”in ABŞ rəsmilərinə istinadən verdiyi məlumata görə, Vaşinqton və Tehran arasında yeni danışıqlar raundunun keçirilməsi ilə bağlı müzakirələr aparılır. Vasitəçi ölkənin bir diplomatı bildirib ki, tərəflər artıq növbəti görüşün keçirilməsi barədə razılığa gəliblər.

İranın Xarici İşlər Nazirliyi bazar ertəsi günü nazir Abbas Əraqçinin Səudiyyə Ərəbistanının Xarici İşlər naziri ilə telefon əlaqəsi saxladığını açıqlayıb. İran Xarici İşlər Nazirliyindən verilən məlumata görə, telefon danışığı zamanı Abbas Əraqçi Pakistanda (İslamabad) keçirilən İran-ABŞ danışıqlarının gedişatı və əldə olunan son məqamlar barədə Səudiyyəli həmkarını ətraflı məlumatlandırıb.

İranın vitse-prezidenti Məhəmməd Rza Arif ölkəsinin ABŞ ilə mümkün danışıqlar və hərbi mövqeyi ilə bağlı açıqlama verib. Bununla yanaşı, vitse-prezident İranın hərbi mövqeyində geri çəkilməyəcəyini vurğulayıb. O qeyd edib ki, ölkə özünü əvvəlkindən daha güclü şəkildə müdafiə etməyə məcburdur. Arif əlavə edib ki, mövcud vəziyyət davam edərsə, bu, qlobal səviyyədə daha böyük nəticələrə və itkilərə səbəb ola bilər.

ABŞ və İran arasında gözlənilən silsilə görüşlər öncəsi Tehran rəsmi mövqeyini və şərtlərini dəqiqləşdirib. Şərtli danışıqlar: İran nümayəndə heyəti əvvəlcə ABŞ-ın öhdəliklərini necə yerinə yetirdiyini və Vaşinqtonun real mövqeyini qiymətləndirəcək. Yalnız bundan sonra rəsmi danışıqların gələcək formatı barədə qərar veriləcək.

İran mediası gələn cümə günü Pakistanın paytaxtı İslamabadda Amerika Birləşmiş Ştatları ilə keçiriləcək tarixi danışıqlarda Tehranı təmsil edəcək şəxsin adını açıqlayıb. Eyni mənbələrin məlumatına görə, ABŞ tərəfini danışıqlarda vitse-prezident Cey Di Vens (JD Vance) təmsil edəcək. Bu, müharibənin başlanmasından bəri hər iki ölkənin ən yüksək səviyyəli rəsmiləri arasında keçiriləcək ilk birbaşa görüş olacaq.

Pakistanın Baş naziri Şahbaz Şərif İran Prezidenti Məsud Pezeşkian ilə telefon danışığı apardığını açıqlayıb. Şərif İran rəhbərliyinin İslamabadda keçiriləcək sülh danışıqlarına razılıq verməsini yüksək qiymətləndirib və bunu regionda sabitliyin bərpası üçün mühüm addım kimi dəyərləndirib.

Pakistan və Əfqanıstan arasında davam edən gərginliyin azaldılması üçün yeni diplomatik təşəbbüs irəli sürülüb. Məlumata görə, Pakistan prezidenti Asif Əli Zərdari regiondakı vəziyyətlə bağlı Çin səfirliyində görüşlər keçirib, Pakistanın xarici işlər naziri Məhəmməd İshaq Dar isə Pekinə səfəri zamanı bu məsələni gündəmə gətirib.