Nazir həmçinin bildirib ki, HƏMAS, İsrailin siyasətinə görə məsuliyyət daşımayan girovları azad etməlidir. Qeyd edək ki, Fələstin dövləti rəsmi olaraq 15 noyabr 1988‑də elan olunub və həmin vaxtdan bəri müxtəlif ölkələr tərəfindən tanınıb.

Yəmən Silahlı Qüvvələrinin sözçüsü briqada generalı Yahya Sari, Qəzza zolağında fələstinlilərə dəstək məqsədilə İsrail hədəflərinə qarşı üç yeni pilotsuz uçuş aparatı (PUA) əməliyyatı həyata keçirildiyini açıqlayıb.

İran Xarici İşlər Nazirliyinin sözçüsü İsmayıl Bəqai, Əl-Əqsa məscidinə təşkil edilən basqının beynəlxalq və regional sülh üçün ciddi təhdid yaratdığını bildirib.

Türkiyə Xarici İşlər Nazirliyi, israilli nazirlərin Əl-Əqsa məscidinə təşkil etdiyi basqını qınayıb. Bəyanatda, Əl-Əqsa məscidinin təhlükəsizliyinin və Qüdsün müqəddəs kimliyinin qorunmasının yalnız regional deyil, bəşəriyyətin ortaq vicdanı naminə prioritet məsuliyyət olduğu vurğulanıb.

İsrailin milli təhlükəsizlik naziri İtamar Ben Qvirin rəhbərliyi ilə 1 251 yəhudi Əl-Əqsa məscidinə basqın edib.

İslam Dünyası Liqası dünya ölkələrini Fələstin xalqını xilas etməyə, beynəlxalq hüquq və ədalətin yanında dayanmağa və Səudiyyə Ərəbistanı ilə Fransanın birgə rəhbərliyi ilə keçirilmiş “İki Dövlətli Həll” üzrə yüksək səviyyəli beynəlxalq konfransın yekun sənədinə dəstək verməyə çağırıb. Liqanın Baş Katibliyindən yayımlanan açıqlamada təşkilatın baş katibi və Müsəlman Alimlər Şurasının rəhbəri Dr. Məhəmməd əl-İsa bildirib ki, xüsusilə də Fələstin ərazilərindəki faciəvi reallıqlar və ifrat sağçı İsrail hökumətinin davamlı hüquq pozuntuları fonunda bu sənədin dəstəklənməsi təcili və zəruridir.

HƏMAS, İsrailin Qəzza zolağına hücumları davam etdiyi və Fələstin xalqının hüquqları tam şəkildə bərpa olunmadığı müddətcə silahı yerə qoymayacaq.

HƏMAS, ABŞ-ın Yaxın Şərq üzrə xüsusi nümayəndəsi Stiven Uitkoffun ötən gün Qəzza zolağına etdiyi səfəri kəskin şəkildə tənqid edərək, bu səfəri “əvvəldən səhnələşdirilmiş bir tamaşa” adlandırıb. Bildirilib ki, Uitkoffun Qəzzaya səfərinin məqsədi ictimai rəyə təsir göstərmək, İsrailin imicini təmizləmək və bölgədə tətbiq olunan aclıq siyasətinə siyasi əsas qazandırmaqdır.

Səhər saatlarında İsrail ordusunun Qəzza zolağının müxtəlif bölgələrinə endirdiyi hava və artilleriya zərbələri nəticəsində azı 22 fələstinli həyatını itirib.

Türkiyənin Xarici İşlər naziri Hakan Fidan, bu gün İstanbulda HƏMAS Şura Məclisinin sədri Məhəmməd Dərvişin başçılıq etdiyi HƏMAS heyəti ilə görüş keçirib.

Bu gün bir daha açıq şəkildə bəyan edirəm: Qəzzada son əsrin ən dəhşətli soyqırımı törədilir. Qəzzada təkcə uşaqlar, körpələr deyil, insanlığa dair nə varsa yox edilir. Qəzza sakinləri “ərzaq paylama mərkəzi” adlandırılan qətliam mərkəzlərində həlak olurlar.

İran Xarici İşlər Nazirliyi, ABŞ və müttəfiqlərinin İrana qarşı səsləndirdiyi “xaricdəki müxaliflərə, jurnalistlərə və rəsmi şəxslərə qarşı sui-qəsd və qaçırma siyasəti” ittihamlarını əsassız hesab edərək qəti şəkildə rədd edib.