Fənərbaxça İdman Klubunun fövqəladə seçkili ümumi qurultayının ilk günü başlayıb. Klubun hazırkı prezidenti Ali Koç dördüncü dəfə bu vəzifəyə namizəd olub. Onun əsas rəqibi iş adamı Sadettin Saran isə seçkilərdə qalib gəldiyi halda, klubun 38-ci prezidenti olacaq. Ali Koç Fənərbaxçada ilk dəfə 2-3 iyun 2018-ci ildə keçirilən ümumi qurultayda prezident seçilmişdi. O vaxt klubda 20 il rəhbərlik edən Aziz Yıldırımı böyük səs fərqi ilə məğlub etmişdi. Həmin tarixdən bəri Koç üç qurultayda da vəzifəsini qoruyub saxlayıb.

Fenerbahçe rəhbərliyi, yeni mövsümə daha güclü başlamaq və çempionluq hədəfi ilə yola çıxmaq üçün İsmail Kartal ilə yollarını bir daha birləşdirdi. İsmail Kartal daha öncə 2021–2022 və 2022–2023 mövsümlərində də Fenerbahçe-də baş məşqçi vəzifəsini icra etmişdi. Yenidən komandaya qayıdan təcrübəli çalışdırıcının müqaviləsinin detalları isə yaxın günlərdə ictimaiyyətə təqdim olunacaq. Qeyd edək ki, 25 may 1961-ci ildə İstanbulda anadan olub. Futbolçu karyerasına Sarıyerdə başlayıb. Sarıyerdəki çıxışı ilə diqqət çəkdikdən sonra "Qaziantepspor"a transfer olunub. 2 il “Qaziantepspor”da çıxış edən İsmail Kartal 1983-cü ildə “Fənərbaxça”ya transfer olunub. 10 il sarı-göylü komandada çıxış edən Kartal "Fənərbaxça"nın simvolik adlarından biri olub. “Fənərbaxça” karyerasında 235 matça çıxan İsmail Kartal 9-u penaltidən olmaqla cəmi 15 qol vurub.1993-cü ildə “Dənizlispor”a transfer olunan İsmayıl Kartal son olaraq “Adanaspor”da oynayıb, daha sonra futboldan ayrılıb.

Fənərbaxça baş məşqçisi Joze Mourinyo ilə yollarını ayırdığını açıqlayıb. "2024-2025 mövsümündən Peşəkar Futbol A Komandamızın baş məşqçisi olan Joze Mourinyo ilə yollarımızı ayırdıq. Ona komandamız üçün göstərdiyi səylərə görə təşəkkür edir və gələcək karyerasında uğurlar arzulayırıq". - deyə paylaşımda qeyd edilir.

Bu mövsüm 68-ci yaşına qədəm qoyacaq – əvvəllər "Türkiyə 1-ci Futbol Liqası", son illərdə isə "Süper Liqa" adı ilə tanınan yarışın indiyə qədər qeydə alınan ən erkən qolu, 2021–2022 mövsümündə Gaziantep FK futbolçusu Muhammet Demir tərəfindən vurulub. 2021–2022 mövsümünün 6-cı turunda, 22 sentyabr 2021-ci ildə Kalyon Stadionunda keçirilən Gaziantep FK – Medipol Başakşehir (1:0) qarşılaşmasının cəmi 10-cu saniyəsində qapını dəqiq nişan alan Muhammet Demir, liqa tarixində indiyədək vurulmuş ən erkən qolu qeydə alıb.

Galatasaray 2025–2026 mövsümünə hazırlıq çərçivəsində İtaliyanın Lazio klubu ilə yoldaşlıq oyununda qarşılaşacaq. Görüş 2 avqust axşamı saat 22:00-da İstanbulda, RAMS Park stadionunda keçiriləcək. Sarı-qırmızılılar son olaraq 2021-ci ildə UEFA Avropa Liqasında qarşılaşdığı Lazio ilə bu dəfə hazırlıq oyunu çərçivəsində üz-üzə gələcək. Komandalar arasında o dövrdə keçirilən görüşlərdə Galatasaray İstanbulda 1:0 qalib gəlmiş, Romadakı matç isə qolsuz bərabərliklə başa çatmışdı.