Regionun müdafiə sənayesi üzrə ən mötəbər və ən əhəmiyyətli platformalarından hesab olunan, eləcə də Azərbaycanın müdafiə-sənaye kompleksinin gücünü və potensialını bütün dünyaya nümayiş etdirən 6-cı Azərbaycan Beynəlxalq Müdafiə Sərgisi “ADEX” 30 sentyabr - 2 oktyabr tarixlərində Bakı Ekspo Mərkəzində təşkil ediləcək. “ADEX”lə eyni tarixlərdə 15-ci Yubiley Beynəlxalq Daxili Təhlükəsizlik, Mühafizə və Xilasetmə Avadanlıqları Sərgisi “Securex Caspian” da baş tutacaqdır.

ABŞ Senatının Təxsisat Komitəsi İsrailə ən azı 3,3 milyard dollar hərbi yardım ayrılmasını və Fələstinə edilən maliyyə dəstəyinə yeni qadağaların qoyulmasını nəzərdə tutan qanun layihəsini təqdim edib. Büdcə layihəsinə əsasən, İsrailə ayrılacaq vəsaitin 30 gün ərzində köçürülməsi və müasir silah sistemlərinin alınmasına sərf edilməsi planlaşdırılır. Sənəddə Fələstinə göstərilən təhlükəsizlik yardımları üçün sərt şərtlər müəyyən edilib.

İran hazırda eyni anda dörd istiqamətdə mübarizə aparır. Bunu İran parlamentinin sədri Məhəmməd Baqir Qalibaf deyib. O bildirib ki, bu qarşıdurmalardan biri İsrail və ABŞ ilə əlaqədardır. Spikerin sözlərinə görə, paralel olaraq iqtisadi, kognitiv-psixoloji, eləcə də hərbi-terror xarakterli müharibələr davam edir.

ABŞ-ın İsraildəki səfiri Yexiel Leiter Suriyanın gələcəkdə İbrahim Anlaşmalarına daxil edilə biləcəyini bildirib və bunun üçün təhlükəsizlik zəmanətlərinin əsas şərt olduğunu vurğulayıb. Onun sözlərinə görə, İsrail Suriyanın cənub sərhədlərində türk və rus hərbi birliklərinin yerləşməsinin qarşısını almaq məqsədilə Dəməşqlə təhlükəsizlik sazişi imzalanmasını istəyir.

“İsrailin regiona yönələn təhdidi heç vaxt bu qədər böyük olmayıb. İran və Livan da daxil olmaqla yeddi ölkə İsrail hücumlarının hədəfinə çevrilib. Hazırda Livan ərazisinin bir hissəsi işğal altındadır və ötən il imzalanmış atəşkəs razılaşması kobud şəkildə pozulub”- deyə o bildiriib.

Rəqəmsal inkişaf və nəqliyyat nazirinin müavini Samir Məmmədov İsrail Dövlətinin ölkəmizdəki fövqəladə və səlahiyyətli səfiri Ronen Krauszla görüşüb.

İranda etiraz dalğası Şərqi Azərbaycandakı qəsəbələr də daxil olmaqla 25 şəhərə yayılıb. Ölkənin qərb və cənub-qərbindəki əyalətlərdə etirazçılarla polis arasında qanlı toqquşmalar baş verib. İranın 31 əyalətindən 22-si hazırda aktiv etirazlarla əhatə olunub. Hələlik məlum olmayan səbəblərdən Tehranın qərbindəki İslam İnqilabı Keşikçiləri Korpusunun Bəsic Meqdad bazasında güclü partlayış baş verib. Hadisələri şərh edən Ali Lider Əli Xamenei etirazçıların tələblərini "ədalətli" elan etdi. Lakin Rəhbər vurğuladı ki, "üsyançılar öz yerlərinə qoyulmalıdır".

İsrail və Somaliland tərəfləri ikitərəfli münasibətlərin inkişaf etdirilməsi barədə bəyanatla çıxış ediblər. Somalidən birtərəfli qaydada ayrıldığını elan edən Somaliland regionunun rəhbəri Abdirahman Məhəmməd Abdillahi və İsrailin xarici işlər naziri Gideon Saar Somalilandın mərkəzi Hargeysada birgə mətbuat konfransı keçiriblər.

İsrail qüvvələri Suriyanın cənubunda hərbi əməliyyatlarını davam etdirərək ölkənin Quneytra əyalətinə növbəti dəfə daxil olub. İsrail ordusuna məxsus 12 zirehli texnikadan ibarət hərbi karvan bazar ertəsi Quneytranın cənubunda yerləşən Səida əl-Hənut kəndinə daxil olaraq reyd həyata keçirib. Məlumata görə, İsrail hərbçiləri kənddə bir sıra yaşayış evlərini yoxlayıb, yerli əhaliyə ərzaq paylamağa cəhd göstərsələr də, sakinlər bu təklifi qəbul etməyiblər.

İranın paytaxtı Tehranda İsraillə əlaqəli olduğu iddia edilən bir şəxs təhlükəsizlik qüvvələri tərəfindən saxlanılıb. İran polisi həmin şəxsin MOSSAD ilə əlaqədə olduğunu və ölkə üzrə davam edən etiraz aksiyalarını qızışdırmaqda iştirak etdiyini bildirir. Tehran polisi saxlanılan şəxslə bağlı görüntülər yayıb. Adı açıqlanmayan şəxsin maddi qarşılıq müqabilində MOSSAD üçün fəaliyyət göstərdiyi və müxtəlif şəhərlərdə keçirilən aksiyalarda təxribatçı rol oynadığı iddia olunur.

Tehranın mərkəzində yerləşən Böyük Bazar ərazisində etiraz aksiyaları ikinci həftəsinə daxil olub. Dünən səhər yayılan görüntülərdə paytaxtın mərkəzində, bazara yaxın ərazilərdə toplaşan etirazçıların dağıdılması üçün gözyaşardıcı qazdan istifadə edildiyi, yan küçələrin bağlandığı və gücləndirilmiş təhlükəsizlik tədbirlərinin tətbiq olunduğu görünür.

İsraildə yayımlanan rəsmi məlumatlar ölkədə əhalinin artım tempinin tarixdə ilk dəfə ciddi şəkildə zəiflədiyini göstərir. Bildirilir ki, mənfi miqrasiya balansı və doğum göstəricilərinin azalması fonunda demoqrafik mənzərə 1948-ci ildən bəri görünməmiş səviyyəyə enib. İsrail Yayım Korporasiyasının məlumatına görə, siyasət araşdırmaları üzrə “Taub Siyasət Araşdırmaları Mərkəz”nin hazırladığı “Dövlətin vəziyyəti – 2025” adlı hesabatda 2025-ci ildə İsraildə əhali artımının cəmi 0,9 faiz təşkil etdiyi qeyd olunub.