BAKI,AzerVoice, Fərid Mikayılov
Barselona Avropa Çempionlar Liqasının ilk turunda İngiltərədə Nyukaslın qonağı olacaq.
AzerVoice xəbər verir ki, komanda önəmli itkilərlə meydana çıxsa da, baş məşqçi Hansi Flik İngiltərə millisinin hücumçusu Markus Reşforda güvənir.
Komandanın gənc ulduzu Lamin Yamal zədə səbəbindən qarşılaşmanı buraxacaq.
Flik mətbuat konfransında Raşfordu önə çıxarıb
“Əlimizdə güclü heyət var. Markus Reşford bu mövqedə oynaya bilir və Valensiya ilə matçda necə yaxşı olduğunu göstərdi. Onu uzun illər Mançester Yunayted-dən izləyirəm, həmişə inanılmaz futbolçu hesab etmişəm. İndi də bizə vacib anda kömək edəcək”- deyə Flik bildirib.
Mançester Yunayteddən icarəyə götürülən Reşford bu mövsüm La Liqada 4 oyuna çıxıb, 1 məhsuldar ötürmə ilə yadda qalıb.
Komandanın digər aparıcı futbolçusu Frenki de Yonq zədəsini arxada qoyaraq heyətə dönür. Qavi isə diz ağrıları səbəbilə hələ də şübhə altındadır. Uzun zədədən qayıdan Mark Bernalın performansı isə Flikə əlavə seçim imkanı yaradır.
Valensiya ilə matçda Rafinyanı ehtiyatda saxlayan Flik, bu dəfə braziliyalı futbolçunu start heyətində oynatmağı planlaşdırır.