BAKI,AzerVoice, Fərid Mikayılov
Azərbaycan milli futbol komandası bu gün DÇ-2026-nın seçmə mərhələsi çərçivəsində ikinci oyununa çıxacaq.
AzerVoice xəbər verir ki, D qrupunda yer alan komandamız Bakıda Ukrayna yığmasını qəbul edəcək.
Tofiq Bəhramov adına Respublika Stadionunda oynanılacaq görüş saat 20:00-da start götürəcək. Matç “CBC Sport” telekanalı vasitəsilə canlı yayımlanacaq.
Qarşılaşmanı Yunanıstandan olan hakimlər briqadası idarə edəcək.
Baş hakim funksiyasını Vassilis Fotias yerinə yetirəcək. Ona Andreas Meintanas və Mixail Papadakis kömək edəcək. Dördüncü hakim Anastasios Papapetru olacaq. VAR sisteminə isə Angelos Evangelu və Yoannis Papadopulos nəzarət edəcək.