İsrail ordusu Livanda fəaliyyət göstərən “Hizbullah” təşkilatının dənizlə bağlı gizli fəaliyyətlərinə dair yeni iddialar səsləndirib. İsrail tərəfinin açıqlamasına görə, təxminən bir il əvvəl saxlanılaraq İsrailə aparılan İmad Əmhez istintaq zamanı təşkilatın dəniz layihəsi ilə bağlı mühüm məlumatlar verib. İsrail ordusunun ərəbcə rəsmi nümayəndəsi Aviçay Adraei sosial şəbəkədə yaydığı açıqlamada bildirib ki, əməliyyat İsrail Hərbi-Dəniz Qüvvələrinin xüsusi bölməsi tərəfindən, hərbi kəşfiyyatın dəniz bölməsinin yönləndirməsi ilə Livanın şimalındakı Bətrun şəhərində həyata keçirilib. Onun sözlərinə görə, saxlanılma Livan–İsrail sərhədindən təxminən 140 kilometr aralıda baş verib.

İsrail ordusunun, yürürlükdə olan atəşkəsə baxmayaraq, Qəzza Zolağının müxtəlif bölgələrinə hava zərbələri, topçu atəşləri və silahlı hücumlarla müdaxilələrini davam etdirdiyi bildirilib. yerli mənbələrdən alınan məlumata görə, İsrail qüvvələri Zolağın şimalında Qəzza şəhərinin şərq rayonları və cənubda Xan Yunisi şəhərinin şərq və şimal hissələrini hədəf alıb. Xan Yunisi şəhərinin şərq hissəsi İsrail hərbi təyyarələrinin intensiv bombardmanı və topçu atəşləri ilə sarsılır, bölgədə səhər saatlarından etibarən tez-tez silah səsləri eşidilir. Şəhərin qərb ərazilərində isə İsrail hücum gəmilərindən dənizə çıxan fələstinli balıqçıların qayıqlarına qarşı avtomat silahlarla atəş açıldığı bildirilib.

İsrailin Livan hökumətinə Hizbullahın silahsızlaşdırılması üçün verdiyi möhlətin başa çatmasına az qalsa da, qiymətləndirmələrə görə, İsrail ordusu ABŞ-dan açıq razılıq almadan İrana bağlı bu qruplaşmaya qarşı genişmiqyaslı hərbi əməliyyata başlamağa risk etməyəcək. Xatırladaq ki, İsrailin müdafiə naziri İsrael Kats ötən ilin noyabrında Hizbullaha silahlarını ilin sonuna qədər təhvil vermək üçün möhlət qoymuş, əks halda İsrail ordusunun Livanda ona qarşı geniş hərbi əməliyyat həyata keçirəcəyini bildirmişdi.

İsrail döyüş təyyarələri Livanın cənub və şərqində yerləşən bir sıra ərazilərə hava hücumları həyata keçirib. Hücumlar İsrail ilə Livan arasında 27 noyabr 2024-cü ildə əldə olunmuş atəşkəs razılaşmasına baxmayaraq davam edir. İsrail təyyarələri ölkənin şərqində Baalbek şəhərinin qərbində yerləşən Bavadi qəsəbəsinin ətrafını və Hermel bölgəsinin kənd ərazilərində yerləşən Zagrin məntəqəsini hədəfə alıb. Cənub bölgəsində isə Deyr Seryan və Kasir qəsəbələrinin yerləşdiyi ərazilər, Zotar qəsəbəsi, Cizzin bölgəsindəki Reyhan təpələri, həmçinin Curet Hudur, Katrani və Kefr Huna ətrafına hava zərbələri endirilib.

İsrail hərbçiləri işğal altındakı İordan çayının qərb sahilində yerləşən Tuku şəhərində keçirilən reyd zamanı fələstinli yeniyetməni güllələyərək öldürüb. Fələstinin rəsmi xəbər agentliyi WAFA-nın məlumatına görə, İsrail ordusu Beyt-Ləhm şəhərinin cənubunda yerləşən Tuku qəsəbəsində hərbi əməliyyat həyata keçirib. Reyd zamanı israilli hərbçilər tərəfindən açılan atəş nəticəsində 17 yaşlı Əmmar Yasir əs-Sabah həyatını itirib.

BMT-nin məlumatına görə, Qəzzanın yenidən qurulması üçün təxminən 70 milyard dollar tələb olunur. Bu rəqəm bölgənin bərpasının miqyasını göstərən ən önəmli göstəricidir. 10 oktyabr tarixində qüvvəyə minmiş atəşkəs razılaşmasına baxmayaraq, İsrail ordusu bu gün də Qəzza bölgəsinin müxtəlif ərazilərinə hücumlar həyata keçirib. Şahidlərinin verdiyi məlumata görə, İsrail hərbi təyyarələri Cənubi Qəzzada yerləşən Rifah şəhərinə hava zərbələri endirib. Həmçinin, İsrail ordusuna aid zirehli vasit

Onilliklərlə davam edən təqibdən sonra İsrail şənbə günü Fələstinin “HƏMAS” hərəkatının tanınmış simalarından olan Raid Səədin Qəzza şəhərinə endirilən zərbə nəticəsində öldürüldüyünü açıqlayıb. İsrail ordusu Səədi “HƏMAS” üçün “döyüş vasitələrinin yenidən istehsalını bərpa etməyə çalışan” şəxs kimi ittiham edib. Ordu onu “HƏMAS”da silah istehsalı qüvvəsinin rəhbəri” adlandırıb. “HƏMAS”dakı mənbələr isə onu hərəkatın hərbi qanadı olan “İzzəddin əl-Qəssam briqadaları”nın rəhbərliyində İzzəddin əl-Həddaddan sonra “ikinci şəxs” kimi təqdim ediblər.

İsrail ordusu şənbə günü Qəzza şəhərində həyata keçirilən hava zərbəsi zamanı HƏMAS-ın yüksək rütbəli komandirlərindən birini hədəf aldığını açıqlayıb. İsrail rəsmiləri hücumun 7 oktyabr 2023-cü il tarixli hücumların planlaşdırılmasında əsas fiqurlardan biri hesab edilən Raid Saidə yönəldiyini bildirib.

İran Silahlı Qüvvələrinin Quru Qoşunlarının komandanı, general-mayor Əli Cihanşahi bildirib ki, İran ordusu müasir texnologiyalar sahəsində müəyyən güc və müstəqillik əldə edib.

İsrail Hərbi Hava Qüvvələri cümə günü Livanın cənub və şərq bölgələrinə hava zərbələri endirib. Livanın dövlət xəbər agentliyi NNA bildirir ki, hücumlar təxminən 10 ayrı ərazini əhatə edib və bəzi zərbələr İsrail sərhədindən 30 kilometr məsafədə qeydə alınıb.

İsrail ordusu atəşkəsə baxmayaraq Qəzza Zolağının bir neçə bölgəsinə hücum edərkən 3-ü uşaq olmaqla 5 Fələstinlini həlak olub. Səhiyyə mənbələrindən əldə edilən məlumatlara görə, İsrail ordusu Qəzzanın cənub və şimal bölgələrinə hücumlar həyata keçirərkən hadisələrdə 3-ü uşaq olmaqla 5 Fələstinli həlak olub, 5 nəfər yaralanıb.

İsrail ordusunun “Merkava” tipli tankı Livanın cənubunda BMT-nin Livan Sülhməramlı Qüvvələrinin (UNIFIL) həyata keçirdiyi reyd zamanı barış qüvvələrinin hərbçilərinə atəş açıb.

İsrail ordusunun Qəzza Zolağında həyata keçirdiyi hücumlardа həyatını itirənlərin sayı son 24 saatda 2 nəfər artaraq 70 min 369-a yüksəlib. Qəzzadakı Səhiyyə Nazirliyi yazılı açıqlamasında İsrailin hücumlarında yaşanan can itkiləri, yaralanmalar və dağıntılar altından çıxarılan cəsədlərlə bağlı son məlumatları paylaşdı. Son 24 saatda biri dağıntı altından çıxarılan 3 fələstinlinin cəsədi ilə 5 yaralının xəstəxanalara çatdırıldığı bildirilib.

İsrail ordusu, işğal altında olan Şərqi Qüdsdə Birləşmiş Millətlər Təşkilatının (BMT) Yaxın Şərqdəki Fələstinli Qaçqınlara Yardım və İnkişaf Agentliyi (UNRWA) mərkəzinə hücum edib. Hücumun, BMT qurumlarının toxunulmazlıq hüquqlarının açıq pozulması olduğu bildirilib. UNRWA-dan verilən açıqlamada, səhər saatlarında İsrail polisinin forklift və digər texnika ilə mərkəzə gəldiyi, çox sayda polis tərəfindən həyata keçirilən əməliyyat zamanı BMT işçilərinin mərkəzdə olmadığı bildirilib. Hücum zamanı ərazinin tamamilə bağlandığı, mərkəzdəki işçilərlə əlaqənin kəsildiyi qeyd olunub.

İranın əsas müttəfiqi olan Bəşşar Əsədin 8 dekabr 2024-cü ildə devrilməsindən bir il keçib. Buna baxmayaraq, Suriyada İranın necə və hansı mexanizmlə geri çəkilməsi məsələsi hələ də maraq doğurur . Bir il əvvəl Suriyanın hazırkı prezidenti Əhməd əl-Şəraanın rəhbərlik etdiyi islamçı fraksiyalar Şimal-Qərbdən sürətli və gözlənilməz hücumla Dəməşqə daxil olmuş və cəmi bir neçə gün ərzində ölkəni yarım əsrdən çox idarə edən Əsəd rejimini devirmişdilər.

İsrail ordusunun Qəzza Zolağında həyata keçirdiyi hücumlarda həyatını itirənlərin sayı son 48 saatda 6 nəfər artaraq 70 354-ə çatıb. Qəzza Sağlamlıq Nazirliyi yazılı açıqlamasında İsrail hücumlarında baş verən ölənlərin sayı və dağıntılardan çıxarılan cəsədlərlə bağlı son məlumatları paylaşıb. Bildirilib ki, son 48 saat ərzində İsrail hücumlarında 5-i dağıntı altından çıxarılan 6 Fələstinli və 15 yaralı xəstəxanalara çatdırılıb.

İsrail ordusu səhər saatlarında Qəzza zolağının müxtəlif bölgələrinə intensiv hava hücumları təşkil edib və çox sayda binanı partlayıcılarla dağıdıb. Bu hücumlar 10 oktyabrda qüvvəyə minmiş atəşkəs razılaşmasının növbəti pozuntuları kimi qeydə alınıb.

Suriya Prezidenti Əhməd Əş-Şəraa Bəşşər Əsədi devirdikdən sonra ölkənin beynəlxalq nüfuzunu bərpa edib və sanksiyaların ləğvinə nail olub. Lakin keçmiş silahlı qruplaşma liderinin əsas sınağı ölkə daxilində etimad qazanmaqdır.

Livan Prezidenti Cozef Aun BMT Təhlükəsizlik Şurasının nümayəndə heyətinə müraciət edərək ölkəsinin İsraillə müharibə istəmədiyini, atəşkəsin tam şəkildə yerinə yetirilməsi və İsrail qüvvələrinin cənub bölgələrindən geri çəkilməsi üçün təzyiq göstərilməsinin vacib olduğunu bildirib.

Birləşmiş Millətlər Təşkilatının (BMT) Livandakı Sülhməramlı Qüvvələri (UNIFIL) bəyan edib ki, İsrail ordusunun dünən Livanın cənub bölgələrinə endirdiyi hava zərbələri BMT Təhlükəsizlik Şurasının 1701 saylı qətnaməsinin pozulmasıdır. UNIFIL-in yaydığı yazılı açıqlamada bildirilib ki, İsrail qüvvələri Livanın cənubunda yerləşən Caba, Mahruna, Baraşit və əl-Məcədil yaşayış məntəqələrinə hava hücumları həyata keçirib.

İsrail ordusu cənubi Livanda Hizbullahın mövqelərinə qarşı yeni hava zərbələri həyata keçirib. Hücumlar Livan və İsrailin mülki nümayəndələrinin onilliklərdən sonra ilk dəfə birbaşa danışıqlar aparmasından cəmi bir gün sonra baş verib.

İsrail Ordusu Radiosu təcili məlumat yayıb: Qəzza zolağında HƏMAS-a qarşı İsrail tərəfəindən silahıandırılan fələstinli Yasir Əbu Şəbab naməlum silahlılar tərəfindən qətlə yetirilib. Məlumata görə, hadisə bu gün Qəzzanın cənub bölgəsində baş verib. Silahlı şəxslərin kimliyi barədə hələlik dəqiq məlumat yoxdur və araşdırma aparılır. İsrail tərəfi bunun Qəzza daxilində müxtəlif qruplar arasında baş verə biləcək qarşıdurmaların nəticəsi ola biləcəyini istisna etmir. Fələstin mənbələri isə hadisənin təfərrüatlarının hələ tam aydınlaşdırılmadığını bildirir.

İsrail ordusu Qəzza Zolağının şimal və cənub bölgələrini havadan və artilleriya atəşləri ilə hədəf alıb, binaları partlatıb. Yerli şahidlərdən əldə edilən məlumata görə, İsrail ordusuna məxsus döyüş təyyarələri cənubdakı Rifah və Xan Yunis şəhərlərinin şərq bölgələrini bombalayıb. Bundan əlavə, şimaldakı Beyt Lahiya qəsəbəsi də hava hücumu ilə hədəfə alınıb. Bu hücumlarla eyni vaxtda Xan Yunisin şimal və şərq bölgələri də artilleriya atəşləri ilə vuruldu, helikopterdən atəş açıldı.

HƏMAS İsrail ordusunun atəşkəs razılaşmasını pozmağa davam etdiyini və geri çəkildiyi ərazilərdə məcburi köçkün mülki şəxsləri hədəf aldığını açıqladı. HƏMAS-ın sözçüsü Hazem Qassem yazılı açıqlamasında bildirib ki, İsrail ordusu atəşkəs razılaşmasını pozur, geri çəkildiyi ərazilər kimi müəyyən edilən "Sarı Xətt"in xaricindəki sığınacaqları və məcburi köçkün düşərgələrini hədəf alır.