BAKI, AzerVoice, Nailə Babazadə
İsrail Ordusu Radiosu təcili məlumat yayıb: Qəzza zolağında HƏMAS-a qarşı İsrail tərəfəindən silahıandırılan fələstinli Yasir Əbu Şəbab naməlum silahlılar tərəfindən qətlə yetirilib.
AzerVoice xəbər verir ki, məlumata görə, hadisə bu gün Qəzzanın cənub bölgəsində baş verib. Silahlı şəxslərin kimliyi barədə hələlik dəqiq məlumat yoxdur və araşdırma aparılır.
İsrail tərəfi bunun Qəzza daxilində müxtəlif qruplar arasında baş verə biləcək qarşıdurmaların nəticəsi ola biləcəyini istisna etmir. Fələstin mənbələri isə hadisənin təfərrüatlarının hələ tam aydınlaşdırılmadığını bildirir.
Hadisə bölgədə onsuz da gərgin olan təhlükəsizlik vəziyyətini bir qədər də kəskinləşdirib