Bakı. AzerVoice:
Qırğızıstan Respublikasının xarici işlər naziri Jeenbek Kulubayev bu gün Rusiya Federasiyasının xarici işlər naziri Sergey Lavrovla görüşüb.
AzerVoice xəbər verir ki, bu barədə Qırğızıstan Xarici İşlər Nazirliyi məlumat yayıb.
Məlumata əsasən, tərəflər fevralın 21-də Kazanda Qırğızıstan Prezidenti Sadır Japarov ilə Rusiya Prezidenti Vladimir Putin arasında danışıqların yekunu üzrə əldə olunmuş razılaşmaların həyata keçirilməsini, habelə Qırğızıstan-Rusiya əməkdaşlığının cari məsələlərini müzakirə ediblər.
Nazirlər Qırğızıstan-Rusiya münasibətlərinin müttəfiqlik və strateji tərəfdaşlıq ruhunda genişləndirilməsi və dərinləşdirilməsi məqsədilə gələcək qarşılıqlı fəaliyyətə hazır olduqlarını bildiriblər.
Xəbərlərimizi “WhatsApp” kanalımızdan oxuyun
