BAKI,AzerVoice
Qazaxıstanın milli aviadaşıyıcısı Air Astana, Yaxın Şərqdə gərginliyin artması səbəbilə bu bölgəyə planlaşdırılan bəzi uçuşların 24 iyun 2025 tarixinə qədər ləğv edildiyini açıqlayıb.
AzerVoice xəbər verir ki, şirkətin yaydığı rəsmi məlumata görə, aşağıdakı reyslər müvəqqəti olaraq icra olunmayacaq:
KC205/206 – Astana – Dubay – Astana
KC897/898 – Almatı – Dubay – Almatı
KC551/552 – Şimkent – Doha – Şimkent (çarter reysi)
Air Astana nümayəndələri bildiriblər ki, ləğv olunan reyslərin sərnişinlərinə ödənişsiz biletlərin dəyişdirilməsi və ya tam bilet haqqının geri qaytarılması imkanı təqdim olunacaq.
Air Astana rəhbərliyi vəziyyəti daim izlədiklərini və 25 iyun tarixindən etibarən bölgədəki durumun sabitləşəcəyi təqdirdə uçuşların bərpasını nəzərdən keçirəcəklərini bildirib.