Donald Tramp administrasiyası İranla gərginliyin davam etdiyi bir şəraitdə Hürmüz boğazında dəniz nəqliyyatını yenidən canlandırmaq üçün beynəlxalq koalisiya formalaşdırmağa başlayıb. ABŞ Dövlət Departamentinin rəsmisi Hürmüz boğazı ilə bağlı yeni koalisiya cəhdləri barədə yayılan xəbərləri təsdiqləyib. "Wall Street Journal" (WSJ) qəzetinin ilk olaraq paylaşdığı məlumata görə, yeni yaradılan "Dəniz Yolu Azadlığı Bölməsi" (MFC) gəmilərin bu sulardan təhlükəsiz keçidini təmin etmək üçün fəaliyyət göstərəcək. Qurum real vaxt rejimində məlumat mübadiləsi, təhlükəsizlik təlimatları və koordinasiya işlərini həyata keçirəcək.

İspaniya hökuməti İsrail qüvvələrinin beynəlxalq sularda Qəzzaya humanitar yardım aparan və göyərtəsində İspaniya vətəndaşlarının olduğu gəmini ələ keçirməsini kəskin şəkildə pisləyib. İspaniya Xarici İşlər Nazirliyindən verilən rəsmi açıqlamaya görə, "Global Sumud" flotiliyasının saxlanılmasına etiraz olaraq İsrailin Madriddəki müvəqqəti işlər vəkili nazirliyə çağırılıb.

ABŞ Prezidenti Donald Tramp Almaniya Kansleri Fridrix Mertsi Ukrayna münaqişəsində “tamamilə təsirsiz” qalmaqda ittiham edərək, ona xarici siyasətə müdaxilə etmək əvəzinə ölkəsinin daxili problemləri ilə məşğul olmağı tövsiyə edib. Özünə məxsus "Truth Social" platformasında paylaşım edən Tramp, Almaniya hökumətinin daxili siyasətini sərt tənqid atəşinə tutub. O bildirib ki, kanser Merts vaxtını İranın nüvə təhdidini ortadan qaldırmağa çalışanlara mane olmaq əvəzinə, Almaniyadakı "bozuk" enerji və miqrasiya sistemini düzəltməyə sərf etməlidir. Tramp Almaniyanın hazırkı vəziyyətini "dağılmış ölkə" kimi xarakterizə edib.

İsrail ordusu beynəlxalq sularda “Azadlıq flotiliyası”na daxil olan gəmilərə qarşı əməliyyat keçirib. Bildirilib ki, flotiliyada olan digər 17 gəmi müdaxilədən yayınaraq Yunanıstanın ərazi sularına daxil ola bilib. Qeyd olunur ki, hadisə beynəlxalq hüquq və dəniz təhlükəsizliyi baxımından ciddi müzakirələr doğurub və regionda gərginliyin artdığı bir dövrdə baş verib

ABŞ Prezidenti Donald Tramp "Axios" xəbər platformasına verdiyi müsahibədə İranın nüvə proqramı ilə bağlı Vaşinqtonun narahatlıqlarını tam şəkildə aradan qaldıran bir razılaşma imzalanana qədər bu ölkəyə qarşı tətbiq edilən dəniz blokadasının davam edəcəyini bildirib. Prezident Tramp Tehranın "əvvəlcə Hörmüz boğazı açılsın, nüvə razılaşması isə sonraya qalsın" şəklindəki son təklifini qəti şəkildə rədd etdiklərini vurğulayıb. O, İran tərəfinin iqtisadi vəziyyətə görə razılığa gəlmək istədiyini, lakin nüvə silahı təhlükəsi aradan qalxmadan blokadanın qaldırılmayacağını qeyd edib.

ABŞ Prezidenti Donald Trampın İranın limanlarına qarşı tətbiq edilən dəniz blokadasının müddətini uzatmaq barədə məsləhətçilərinə tapşırıq verməsi həm regional hərbi gərginliyi, həm də qlobal enerji bazarlarını yeni mərhələyə daşıyıb. "Wall Street Journal"ın (WSJ) ABŞ rəsmilərinə istinadən yaydığı məlumata görə, Tramp bu addımla Tehranı nüvə proqramında ciddi güzəştlərə məcbur etmək və ölkənin iqtisadi resurslarını tamamilə tükəndirmək niyyətindədir.

Məlumata görə, Kraus Hamdani Aerospace və PowerLight Technologies şirkətləri tərəfindən həyata keçirilən test zamanı K1000ULE tipli pilotsuz uçuş aparatı xüsusi enerji ötürmə sistemi ilə havada fasiləsiz fəaliyyət göstərib. Sınaq ABŞ Mərkəzi Komandanlığının dəstəyi ilə təşkil olunub. Bildirilib ki, lazer əsaslı sistem uçuş zamanı təxminən 1 kilovat güc ötürərək pilotsuz aparatın kəşfiyyat, müşahidə və rabitə funksiyalarını dayanmadan yerinə yetirməsinə imkan yaradıb. Bu texnologiya sayəsində aparat eniş etmədən uzun müddət havada qala bilir.

ABŞ-də süni intellekt sahəsində fəaliyyət göstərən aparıcı şirkətlər arasında hüquqi qarşıdurma dərinləşir. Amerikalı sahibkar İlon Mask tərəfindən OpenAI şirkətinə qarşı qaldırılan məhkəmə işində tərəflər ilk açılış çıxışlarını təqdim edib. Mask şirkətin qurucuları Sem Altman və Qreq Brokmanı “insanlığa fayda missiyasından uzaqlaşmaqda” ittiham edir.

ABŞ Prezidenti Donald Tramp sosial media hesabı vasitəsilə İranla davam edən danışıqların pərdəarxası məqamlarını paylaşıb. Trampın iddiasına görə, İran rəhbərliyi ölkədəki sistemin çökmə təhlükəsi ilə üz-üzə olduğunu etiraf edərək, ABŞ-dan Hörmüz boğazındakı dəniz blokadasını ən qısa zamanda qaldırmağı xahiş edib.

ABŞ Prezidenti Donald Tramp sosial media hesabı vasitəsilə İranla bağlı dünya gündəmini sarsıdan bir iddia irəli sürüb. Trampın bəyanatına görə, Tehran rəhbərliyi artıq daxili və xarici təzyiqlərə tab gətirə bilmir və rəsmi şəkildə ABŞ-a ölkənin hazırda "çöküş mərhələsində" olduğunu bildirib.

Dünyada iş mühitində psixoloji və sosial risklər ciddi qlobal sağlamlıq probleminə çevrilib. Beynəlxalq Əmək Təşkilatı tərəfindən yayımlanan son hesabatda iş yerində stress, uzun iş saatları və psixoloji təzyiqlərin hər il təxminən 840 min insanın ölümünə səbəb olduğu bildirilib.

Birləşmiş Millətlər Təşkilatı (BMT) Livan ilə İsrail arasında davam edən atəşkəs rejiminə baxmayaraq, bölgədə gərginliyin ciddi şəkildə artdığını və İsrail tərəfindən açılan atəş sayının rekord həddə çatdığını bəyan edib. BMT Baş katibinin sözçüsü Stefan Düjarrik UNIFIL hesabatlarına istinadən bildirib ki, cəmi bir gün ərzində İsrail qüvvələrinin operativ nəzarətində olan ərazidən Livanın şimalına doğru 299 atəş açılıb. Bu göstərici atəşkəs razılaşması qüvvəyə mindiyi gündən bəri qeydə alınan ən yüksək rəqəmlərdən biridir.