BAKI,VOA, Fərid Mikayılov
Fransa və Böyük Britaniya cümə günü Hörmüz boğazında təhlükəsizliyin təmin olunmasına həsr ediləcək videokonfransa ev sahibliyi edəcək.
VOA xəbər verir ki, Fransa Prezidenti Emmanuel Makron və Böyük Britaniyanın Baş naziri Kir Starmer görüşə birgə sədrlik edəcəklər.
Müzakirələrdə beynəlxalq gəmiçiliyin təhlükəsizliyinin təmin olunması və gələcəkdə boğazda sərbəst hərəkətin bərpası məsələləri diqqət mərkəzində olacaq.
Qeyd olunub ki, toplantı münaqişədən sonra beynəlxalq daşımaların qorunmasına yönəlmiş çoxmillətli və müdafiə xarakterli planın hazırlanmasına xidmət edəcək.
Bildirilib ki, regionda baş verən münaqişə nəticəsində Hörmüz boğazında gəmi hərəkəti ciddi şəkildə məhdudlaşıb və bu, qlobal enerji təchizatına təsir göstərib.