BAKI,VOA

Beynəlxalq Enerji Agentliyinin keçmiş yüksək rütbəli rəsmisi və müstəqil enerji analitiki Nil Atkinson xəbərdarlıq edib ki, hətta Hörmüz boğazı dərhal açılsa belə, qlobal enerji axınını dərhal bərpa etmək mümkün olmayacaq.

VOA xəbər veirr ki, Atkinson bildirib ki, boğazda sərbəst hərəkət bərpa edildiyi təqdirdə, hazırda su yolunun hər iki tərəfində gözləyən çox sayda tanker hərəkətə keçə bilər.

Lakin o vurğulayıb ki, mövcud problem təkcə gəmilərin hərəkəti ilə bitmir.

Ekspertin sözlərinə görə, Səudiyyə Ərəbistanı, İraq, Küveyt və Əbu-Dabidəki (BƏƏ) istehsal müəssisələri fəaliyyətini tamamilə dayandırıb.

"Hətta ən yaxşı ssenaridə normal iş rejiminin bərpası bir neçə gün, bəlkə də daha çox vaxt tələb edə bilər. Xüsusilə Qətərin mayeləşdirilmiş təbii qaz (LNG) ixracı bu böhrandan çox ağır zərbə alıb və onun bərpası həftələrlə çəkə bilər."-deyə o qeyd edib.

Atkinson neftin qlobal sənayedəki mərkəzi rolunu xatırladaraq qeyd edib ki, bütün istehsal sahələri bu və ya digər dərəcədə neftdən asılıdır. Lakin o, daha böyük bir təhlükəyə — dünya ərzaq istehsalındakı risklərə diqqət çəkib və qeyd edib ki, : "Gübrə istehsalındakı qıtlıq ərzaq təminatına və məhsuldarlığa zəncirvari mənfi təsir göstərəcək. Hazırda qarşıda duran problemlərin miqyasını kifayət qədər qiymətləndirməmək olmaz; bu çətinliklər hədsiz dərəcədə böyükdür."